25 YEARS OF EXCELLENCE
Weather: -
Saturday Oct 17, 2026
01:47:14pm
Weather: -
Saturday Oct 17, 2026
01:47:14pm
தேவையான பொருட்கள்-1/4 லிட்டர் பசும்பால்,2 துண்டு பட்டை,2 ஏலக்காய்,2 கிராம்பு,20 மி.லி நெய் ,100 கிராம் சர்க்கரை,3 டேபிள்ஸ்பூன் மில்க்மெய்டு, தேங்காய் பால் அரைப்பதற்கு - 100 கிராம் கொப்பரை தேங்காய்,2 டீஸ்பூன் கசகசா,முந்திரி பேஸ்ட் செய்வதற்கு -20 கிராம் பாதாம்,20 கிராம் முந்திரி ,1 அக்ரூட் செய்முறை ஒரு பாத்திரத்தில் சுடு தண்ணீர் வைத்து ,அதில் பாதாம் மற்றும் கொப்பரை தேங்காய் ஒரு மணி நேரம் ஊற வைக்கவும்.இப்போது ஒரு மிக்ஸியில் கொப்பரை தேங்காய் மற்றும் கசகசாவை சேர்த்து அரைத்து, அதை பால் எடுத்துக் கொள்ளவும் .மூன்று முறை அரைத்து பால் எடுத்து வடிகட்டி கொள்ளவும்.இப்போது மிக்ஸியில் பாதாம் ,முந்திரி, ஒரு அக்ரூட், சேர்த்து மையாக அரைத்துக் கொள்ளவும்.ஒரு பாத்திரத்தை அடுப்பில் வைத்து அது சூடான பிறகு ,அதில் நெய் சேர்த்து அதனுடன் பட்டை, கிராம்பு ,ஏலக்காய் ,சேர்த்து அதனுடன் காய்ச்சிய பசும்பாலை சேர்த்து கொதிக்க வைத்துக் கொள்ளவும்.கொதித்த பசும்பாலுடன் அரைத்து வைத்து தேங்காய் பால் மற்றும் பாதாம் முந்திரி பேஸ்ட்டையும் சேர்த்து நன்றாக கொதிக்க வைக்கவும்.சர்க்கரை மற்றும் மில்க் மேடு சேர்த்து மீண்டும் ஐந்து நிமிடம் வைக்கவும்.இப்போது பாயாசம் ரெடி.
தேவையான பொருட்கள் -1 கப் வரகரிசி, 2 கப்பால், தேவைக்குதண்ணீர், அரைகப்சர்க்கரை, தேவைக்குமுந்திரி, திராட்சை, பாதாம் ஏலக்காய், 2ஸ்பூன்நெய்செய்முறை - வரகு அரிசியை அரை மணிநேரம் ஊறவைக்கவும்.பின் குக்கரில் தேவையான தண்ணீர்ஊற்றி நன்றாகவேக வைக்கவும்.வேகவைத்த வரகரிசியை வேறுபாத்திரத்தில்மாற்றிபின், சர்க்கரை2ஸ்பூன் கேரமல்பண்ணிசேர்க்கவும்.பின்தேவையானபால் மீதி சர்க்கரையைச்சேர்க்கவும்.நெய்1ஸ்பூன்சேர்க்கவும்.பின் ஏலக்காய் பொடிசேர்க்கவும்.நெய்யில்முந்திரி, திராட்சை,வறுத்துசேர்க்கவும்.பாதாம் முந்திரி,திராட்சைவைத்து அலங்கரிக்கவும்.வரகு பாயாசம்ரெடி.கேரமல்சேர்ப்பதால்வித்தியாசமான ருசியைக்கொடுக்கும்.சுவையான வரகு பாயாசம் சுவைத்து மகிழுங்கள்.
தேவையான பொருட்கள்-500மிலி பால், 2 டேபிள்ஸ்பூன்கஸ்டர்டு பவுடர்,1/2 கப்சர்க்கரை, 1/4 கப்சேமியா, 1/2 டீ ஸ்பூன் நெய், பாதாம், முந்திரி – சிறிதளவுசெய்முறை-ஒரு அடிகனமான பாத்திரத்தில் நெய் ஊற்றி, அது சூடானதும் சேமியாவை சேர்த்து நன்கு கிளறவும் சேமியா பொன்னிறம் ஆனதும் தனியாக எடுத்து வைக்கவும்.ஒரு பவுலில் கஸ்டர்ட் பவுடர் பால் சிறிதளவு சேர்த்து கரைத்து வைத்து கொள்ளவும்.ஒரு பாத்திரத்தில் பால் ஊற்றி கொதித்து வந்ததும் சர்க்கரை சேர்த்து கலந்து விடவும். பிறகு வறுத்த சேமியாவை பாலில் சேர்த்து கலந்து விடவும்.சேமியா வெந்ததும் கஸ்டர்ட் மிக்ஸை சேர்த்து கைவிடாமல் கிளறி விடவும். லேசாக கெட்டியாக வரும் போது இறக்கவும். கடைசியாக அதன் மேல் பாதாம் முந்திரி துண்டுகளுடன் அலங்கரித்து பரிமாறவும்.
தேவையான பொருட்கள்:-பாஸ்தா - 1 கப்பால் - 3 கப் சர்க்கரை -100 கிராம்நெய், தேங்காய் - சிறிதளவுஏலக்காய் பொடி, முந்திரி, தண்ணீர் - தேவையான அளவு.செய்முறை:-பாஸ்தாவை தண்ணீரில் வேகவைக்கவும், பாலில் சர்க்கரை கலந்து பாத்திரத்தில் கொதிக்க விடவும். நன்றாக அரைத்த தேங்காய், முந்திரி பருப்பு விழுதை அதில் சேர்க்கவும். பின், வேக வைத்த பாஸ்தாவை போட்டு கொதிக்க விடவும். ஏலக்காய் பொடி, நெய்யில் வறுத்த முந்திரி கலந்து இறக்கவும்.சுவை மிக்க, 'பஞ்சாபி பாஸ்தா பாயசம்!' தயார்,
தேவையான பொருட்கள் - 2 கப் கோதுமை ரவை, 1/4 கப் கடலை பருப்பு,1/2 கப் தேங்காய் துருவல்2-பச்சை மிளகாய் 4-வரமிளகாய்,1 துண்டு பொடியாக நறுக்கின இஞ்சி, 1ஸ்பூன் கடுகு, உளுத்தம்பருப்பு, சீரகம்,2 ஸ்பூன் எண்ணெய், 1ஸ்பூன் நெய், கருவேப்பிலை,உப்புசெய்முறை - ஸ்டவ்வில் வெறும் வாணலி வைத்து மிதமான சூட்டில் கோதுமை ரவையை வாசம் வரும்வரை வறுக்கவும். கடலை பருப்பை முழுகும். அளவு தண்ணீர் ஊற்றி 15 நிமிடத்துக்கு பிறகு தண்ணி வடிகட்டி வரமிளகாய் சேர்த்து வடைக்கு அரைப்பதுபோல் அரைக்கவும்.ஸ்டவ்வில் கடாய் வைத்து 2 ஸ்பூன் தேங்காய் எண்ணெய் ஊற்றி ,கடுகு உளுத்தம்பருப்பு, சீரகம். வறுக்கவும்.அத்துடன் பொடியாக நறுக்கின இஞ்சி, பச்சை மிளகாய், கருவேப்பிலை சேர்த்து வதக்கி பிறகு 3-4 கப் தண்ணி ஊற்றி உப்பு சேர்க்கவும்.அத்துடன் அரைத்து வைத்திருக்கும் கடலை பருப்பு, மற்றும் தேங்காய் துருவல், நெய் சேர்த்து ,நன்கு கொதிக்க விட்டு வறுத்த கோதுமை ரவை சேர்த்து மிதமான சூட்டில் மூடி வைத்து 10 நிமிடம் வேக விடவும்.நன்கு வெந்ததும் ஆறவிட்டு சின்ன கொழுக்கட்டைகளாக செய்து இட்லி தட்டில் எடுத்து வைத்து 7 நிமிடம் ஆவியில் வேக விட்டு எடுக்கவும்.வித்தியாசமான சுவையுடன் கூடிய கோதுமை ரவை உப்புமா கொழுக்கட்டை தயார்... தேங்காய் சட்னியுடன் சேர்த்து சாப்பிடவும்.கோதுமை ரவை வைத்து கார கொழுக்கட்டை மிகவும் வித்தியாசமான ருசியில் சுவையாக இருந்தது.
தேவையான பொருட்கள் - குதிரைவாலி அரிசி 1 கப்,கேரட் துருவல் 2 டீஸ்பூன்,பச்சை மிளகாய் 2எண்ணெய், கடுகு, பெருங்காயம் சிறிதளவு,தண்ணீர், உப்பு, கறிவேப்பிலை தேவையான அளவு.செய்முறை - வாணலியில் எண்ணெய் சூடானதும் கடுகு, கறிவேப்பிலை, பெருங்காயம் சேர்த்து தாளித்து, நறுக்கிய பச்சை மிளகாய், கேரட் துருவல் சேர்த்து வதக்கவும். பின் தண்ணீர் சேர்த்து கொதிக்க விடவும். அதில் குதிரைவாலி அரிசி, உப்பு சேர்த்து வேக வைக்கவும். வெந்தபின் ஆறவிட்டு சிறு உருண்டைகளாக பிடித்து, ஆவியில் வேக வைக்கவும்.சத்துள்ள,'குதிரை வாலி பிடி கொழுக்கட்டை!' தயார். புதினா சட்னி, சாம்பாருடன் தொட்டு சாப்பிடலாம். அனைத்து வயதினரும் விரும்புவர்.
தேவையான பொருட்கள் - இரண்டு கப் சாமை அரிசி,அரை கப் தேங்காய் துருவல்,ஒரு டேபிள் ஸ்பூன் கடலைப்பருப்பு,ஒரு டீஸ்பூன் கடுகு,ஒரு டீஸ்பூன் உளுத்தம்பருப்பு,அரை டீஸ்பூன் சீரகம்,ஒரு டேபிள்ஸ்பூன் கல் உப்பு,நான்கு பச்சை மிளகாய்,1பெரிய துண்டு இஞ்சி துருவியது,நான்கு கப் தண்ணீர்,இரண்டு டேபிள் ஸ்பூன் தேங்காய் எண்ணெய்செய்முறை - முதலில் தேவையான பொருட்களை எடுத்து வைத்துக் கொள்ளவும். சாமை அரிசியை நன்கு அலசி மூன்று மணி நேரம் ஊற வைக்கவும்.இப்பொழுது ஒரு கடாயில் தேங்காய் எண்ணெய் விட்டு கடுகு தாளித்து கடலை பருப்பு சேர்த்து சீரகமும் சேர்த்து வறுத்து இஞ்சி பச்சை மிளகாய் சேர்த்து கடைசியாக தேங்காய் துருவலும் சேர்த்து வதக்கவும்.நான்கு கப் தண்ணீர் சேர்த்து, உப்பும் சேர்த்து கொதிக்க விடவும். நன்கு கொதித்த உடன் ,ஊறவைத்த சாமை அரிசியை சேர்த்து 10 நிமிடம் கிளறி அடுப்பை அணைத்து மூடி விடவும்.அது நன்கு வெந்து இருக்கும்.இப்பொழுது இட்லி பானையில் வேகவைக்கும் தட்டில் ,பிடி கொழுக்கட்டை உருண்டைகளாக பிடித்து 10 நிமிடம் வேக வைக்கவும்.சுவையான சாமை அரிசி பிடி கொழுக்கட்டை தயார்.இதற்கு தேங்காய் சட்னி அல்லது கார சட்னி ஏதுவாக இருக்கும்.
தேவையானவை - ஒரு கப் சிகப்பு அவல்,உப்பு தேவையான அளவு,எண்ணை தேவையான அளவு,1 பெரிய வெங்காயம்,2 பச்சைமிளகாய்,ஒரு டீஸ்பூன்கடுகு,அரை டீஸ்பூன்சீரகம்,ஒரு டீஸ்பூன்கடலைப்பருப்பு, ஒரு டீஸ்பூன்உளுத்தம்பருப்பு,இஞ்சி சிறிய துண்டு,கறிவேப்பிலை, கொத்தமல்லி இலை சிறிதளவு,அரை மூடிதுருவிய தேங்காய்செய்முறைசிகப்பு அவல் கொழுக்கட்டை மிகவும் ஆரோக்கியமான உணவு.சிகப்பு அவலை சுத்தம் செய்து கழுவிய பின் ஒரு மணி நேரம் தண்ணீரில் ஊற வைக்கவும். வெங்காயம் பச்சை மிளகாய் கறிவேப்பிலை, கொத்தமல்லி இலை ,இஞ்சி, இவற்றை நறுக்கி எடுத்துக் கொள்ளவும்.ஒரு வாணலியில் சிறிது எண்ணெய் விட்டு கடுகு, கடலைப்பருப்பு, உளுத்தம்பருப்பு, சீரகம், கருவேப்பிலை ,வெங்காயம், பச்சை மிளகாய், இஞ்சி ,இவற்றை தாளித்து கொள்ளவும். இதனுடன் துருவிய தேங்காய் சற்று வதக்கி கொள்ளவும்.அவலை நன்கு வடித்து எடுத்துக் கொள்ளவும் .தாளிப்பை மற்றும் உப்பு சேர்த்து, வடித்த அவலுடன் சேர்த்து நன்கு பிசைந்து கொள்ளவும்.தாளித்துச் சேர்த்த அவலை கொழுக்கட்டையாக பிடித்து ,இட்லி பானையில் வைத்து10 நிமிடம் வேக வைத்து எடுக்கவும்.10 நிமிடத்திற்கு பிறகு சிவப்பு அவல் கார கொழுக்கட்டை எடுத்துப் பரிமாறவும்.
தேவையான பொருட்கள்-2 கப் இட்லி அரிசி (2 மணி நேரம் ஊறவைக்கவும்)2 கப் வெல்லக் கரைசல் காய்ச்சி வடிகட்டிக்கொள்ளவும்.1/2கப் தேங்காய் துருவல், உப்பு, சிறிது ஏலக்காய்த்தூள், சிறிதுநெய்செய்முறை -மிக்ஸி ஜாரில் முதலில் தேங்காய் துருவலை சேர்க்கவும். பிறகு ஊறவைத்த இட்லி அரிசியை உப்பு, தண்ணீர் சேர்த்து நன்றாக அரைத்துக் கொள்ளவும்ஒரு பாத்திரத்தில் அரைத்த மாவு மற்றும் வெல்லத்தை தண்ணீர் விட்டு நன்றாக காய்ச்சி வடிகட்டி சேர்த்துக்கொள்ளவும். பிறகு இதனுடன் துருவிய தேங்காய்ஏலக்காய்தூள், சேர்த்து அனைத்தும் ஒன்றோடு ஒன்று கலக்கும் வரை நன்றாக கலந்து கொள்ளவும். பிறகு ஒரு வாணலியில் சிறிது நெய் சேர்த்து சூடாக்கவும்.நெய் சூடானதும் அதில் அரைத்து கலந்து வைத்த மாவை ஊற்றி கெட்டியாகும் வரை கைவிடாமல் கிளறவும். கெட்டியானதும் மாவை ஒரு நிமிடம் மிதமான சூட்டில் நன்றாக பிசைந்து கொள்ளவும்.சிறிது மாவை எடுத்து உள்ளங்கையை வைத்து அழுத்தி பிடிக்கவும். பிறகு இட்லி பானையில் தண்ணீர் ஊற்றி இட்லித் தட்டில் பிடித்து வைத்த கொழுக்கட்டைகளை சேர்த்து மிதமான தீயில் 10 நிமிடம் வேக வைக்கவும்.10 நிமிடம் கழித்து கொழுக்கட்டைகளை பரிமாறவும். மற்றொரு முறையாக கொழுக்கட்டை அச்சில் சிறிது நெய் தடவி வேக வைத்த மாவை உள் வைத்து நன்றாக அழுத்தவும்.மெதுவாகத் திறக்கவும் .மீதமிருக்கும் மாவையும் இதேபோல் செய்து இட்லிப் பானையில் சிறிது தண்ணீர் விட்டு இட்லி தட்டில் வைத்து 15 நிமிடம் மிதமான தீயில் வேக வைக்கவும்.
தேவையான பொருட்கள்-கொழுக்கட்டை மாவு செய்வதற்கு - 2கப்-பச்சரிசி, 1/2 கப் – சுடுதண்ணீர்,தேவையான அளவு உப்புகொழுக்கட்டை பூரணம் செய்வதற்கு - 1 கப் - வேர்க்கடலை,3/4 கப் - துருவிய வெல்லம்கொழுக்கட்டை வேகவைப்பதற்கு - வாழை இலை ,2 டேபிள்ஸ்பூன் - எண்ணெய் செய்முறை -பச்சரிசியை நன்றாக அலசி வெயிலில்10 நிமிடம் உலர வைக்கவும்.பின்னர் அதை ஒரு மிக்ஸியில் சேர்த்து மைய அரைத்துக்கொள்ளவும். மிக்ஸியில் சேர்க்கும்போது அரிசி சிறிய அளவு ஈரப்பதத்தோடு இருக்கவேண்டும்.அரைத்த மாவை சல்லடையில் கொட்டி நன்றாக சலித்துக் கொள்ளவும். கட்டிகள் ஏதேனும் இருந்தால் அதை தனியாக எடுத்து விடவும்.பின்னர் கட்டிகள் எதுவும் இல்லாமல் இருக்கும் சலித்த அரிசி மாவை, ஒரு துணியில் பரப்பி விடவும்.அந்தத் துணியின் எல்லா பக்கங்களையும் சேர்த்து ஒரு மூடி போட்டு கொள்ளவும். பின்னர் அதை ஒரு இட்லி தட்டில் வைத்து 15 நிமிடம் ஆவி கட்டிக் கொள்ளவும்.வேகவைத்து எடுத்த அரிசி மாவை தனியாக ஒரு பாத்திரத்தில் போட்டுக் கொள்ளவும்.அதில் தேவையான அளவு உப்பு, சுடு தண்ணீர் கலந்து மாவை சப்பாத்தி மாவு போல் பிசைந்து கொள்ளவும். கொழுக்கட்டை செய்வதற்கு மாவு தயார்.இப்பொழுது கொழுக்கட்டையில் பூரணம் எப்படி செய்வது என்று பார்ப்போம். உள்ளே வைக்கும் இனிப்பு பூரணத்திற்கு முதலில் 1 கப் வேர்க்கடலைவறுத்து தோலை உரித்துக் கொள்ளவும்.பின்னர்3/4 கப் அளவிற்கு வெல்லம் எடுத்துக் கொள்ளவும். வேர்க்கடலையையும் ,வெல்லத்தையும் ,மிக்ஸியில் சேர்த்து நன்றாக அரைத்து வைத்துக்கொள்ளவும். இப்பொழுது உள்ளே வைக்கும் கொழுக்கட்டை பூரணம் தயார். ஒரு வாழை இலையில் எண்ணெய் தடவிக் கொள்ளவும்.கொழுக்கட்டை மாவில் இருந்து ஒரு சிறு உருண்டையை எடுத்துக் கொள்ளவும். அதை வாழை இலையில் நன்றாகத் தட்டிக்கொள்ளவும்.அதனுள்ளே தேவையான அளவுக்கு பூரணம் வைத்துக் கொள்ளவும்.அதை நன்றாக மூடி தேவையான வடிவத்தை செய்து கொள்ளவும்.பின்னர் கொழுக்கட்டை வைத்திருக்கும் வாழையிலையில் நன்றாக மடித்துக் கொள்ளவும். இதன்படி மீதம் இருக்கும் அனைத்து கொழுக்கட்டையும் வாழையிலையில் தட்டி கொள்ளலாம்.பின்னர் அதை ஒரு இட்லி பாத்திரத்தில் வைத்து,10 நிமிடம் வேக வைத்து எடுக்க வேண்டும். அரிசி மாவில் இருந்து செய்த வாழை இலை கொழுக்கட்டை தயார்.
