பொட்டுக்கடலை தேங்காய் பர்பி (Pottukadalai Coconut Burfi).
தேவையான பொருட்கள் -
பொட்டுக்கடலை: 2 கப் (200 கிராம்),
துருவிய தேங்காய் (அல்லது டெசிகேட்டட் கோக்கனட்): 1 கப் (50 - 100 கிராம்),
சர்க்கரை: 1 கப் (150 கிராம்),
ஏலக்காய் தூள்: 3 ஏலக்காய் (பொடித்தது),
நெய்: 1 முதல் 3 ஸ்பூன்,
முந்திரி, பாதாம்: சிறிதளவு (பொடியாக நறுக்கியது),
காய்ச்சி ஆற வைத்த பால்: கால் கப் (தேவைப்பட்டால்).
செய்முறை -
முதலில் எடுத்து வைத்துள்ள பொட்டுக்கடலையை மிக்ஸி ஜாரில் சேர்த்து நைசாக அரைத்துக் கொள்ளவும்.
அதன்பிறகு கட்டிகள் ஏதுமின்றி இருக்க அந்த மாவை நன்றாகச் சலித்து தனியாக எடுத்து வைக்கவும்.
அடுப்பில் ஒரு கடாயை வைத்து, எடுத்து வைத்துள்ள சர்க்கரையுடன் சிறிதளவு தண்ணீர் சேர்த்து கம்பிப் பதம் வரும் வரை காய்ச்சிக் கொள்ளவும். (அல்லது சர்க்கரை கரைந்து லேசான பாகு பதம் வர வேண்டும்).
மற்றொரு வாணலியில் 1 ஸ்பூன் நெய்விட்டு, வறுத்த தேங்காய் துருவல் அல்லது டெசிகேட்டட் கோக்கனட்டை சேர்த்து லேசாக வதக்கவும்.
அதில் சலக்கிய பொட்டுக்கடலை மாவு, ஏலக்காய் தூள் மற்றும் முந்திரி சேர்த்து மிதமான தீயில் நன்றாகக் கிளறவும்.
இதனுடன் தயாரித்து வைத்துள்ள சர்க்கரை பாகு அல்லது காய்ச்சி ஆற வைத்த பாலைச் சேர்த்து கட்டியில்லாமல் கிளறி விடவும்.
கலவை கெட்டியாகி வந்தவுடன், நெய் தடவிய தட்டில் இதைக் கொட்டி சமமாகப் பரப்பி விடவும்.
லேசாக ஆறியவுடன் உங்களுக்கு விரும்பிய வடிவில் (சதுரமாக) துண்டுகளாக வெட்டி எடுக்கவும்.
சுவையான மற்றும்வாயில் கரையும் பொட்டுக்கடலை தேங்காய் பர்பி தயார்.
0
Leave a Reply