• 238
• Sep 04, 2026

யு.எஸ். ஓபன்: சபலென்கா, அல்காரஸ் 3வது சுற்றுக்கு முன்னேற்றம்.

நியூயார்க்: அமெரிக்காவின் நியூயார்க் நகரில் நடைபெற்று வரும் யு.எஸ். ஓபன் கிராண்ட்ஸ்லாம் டென்னிஸ் தொடரில், நடப்பு சாம்பியன்களான அரினா சபலென்கா மற்றும் கார்லஸ் அல்காரஸ் ஆகியோர் 3வது சுற்றுக்கு முன்னேறினர்.

சபலென்கா அபார வெற்றி.

பெண்கள் ஒற்றையர் பிரிவு 2வது சுற்றில், நடப்பு சாம்பியன் பெலாரஸின் அரினா சபலென்கா, ரஷ்யாவின் போலினா இயாட்சென்கோவை எதிர்கொண்டார்.

53 நிமிடங்கள் மட்டுமே நீடித்த ஆட்டத்தில் சபலென்கா, 6-1, 6-1 என்ற நேர் செட் கணக்கில் அபார வெற்றி பெற்று 3வது சுற்றுக்குள் நுழைந்தார்.

போராடி வென்ற அல்காரஸ்.

ஆண்கள் ஒற்றையர் பிரிவு 2வது சுற்றில் நடப்பு சாம்பியனான ஸ்பெயினின் கார்லஸ் அல்காரஸ், போர்ச்சுகலின் ஜெய்மி பாரியாவை சந்தித்தார்.

முதல் செட்டை 4-6 என இழந்த அல்காரஸ், பின்னர் சிறப்பான ஆட்டத்தை வெளிப்படுத்தி அடுத்த 3 செட்களையும் 6-0, 6-3, 6-2 என்ற கணக்கில் கைப்பற்றினார்.

முடிவில் 4-6, 6-0, 6-3, 6-2 என்ற செட் கணக்கில் வெற்றி பெற்ற அல்காரஸ், 3வது சுற்றுக்கு முன்னேறினார்.