வெள்ளை வயிற்று வால் காகம்.
காகக் குடும்பத்தைச் சேர்ந்த ஒரு பறவை ,தென்னிந்தியாவின் காடுகளில் காணப்படும் வெள்ளை வயிற்று வால் காகம். இவை சில பகுதிகளில் வால் காக்கையுடன் ஒன்றாகக் காணப்படும். ஆனால் இவற்றின் தோற்றம் மற்றும் ஒலி வேறுபட்டு இருக்கும்.
இதன் தலைப்பகுதி கருப்பாகவும், சிறகுகள் கருப்பு மற்றும் பழுப்பு நிறங்கள் கலந்தும் காணப் படும். வயிற்றுப் பகுதியில் மட்டும் பஞ்சு போன்று வெள்ளை நிறத்தில் இருக்கும். இதனால் இது வெள்ளை வயிற்று வால் காகம் என அழைக்கப்படுகிறது. பழங்கள், விதைகள், பூச்சிகள், வண்டுகள், சிறிய பறவைகள் போன்றவைகளை உணவாக உட்கொள்ளும். இதுவும் காகத்தைப்போல பல பறவைகளை கூப்பிட்டுச் சாப்பிடும் பழக்கம் கொண்டது.
25 செ.மீ.முதல்30 செ.மீ. வரை நீளமுடையது. மூன்று முட்டைகள் வரை இடும். இதன் முட்டைகள் சாம்பல் நிறத்திலும் வெளிர் பச்சை நிறம் கலந்தும் இருக்கும்.இவை தமிழ்நாட்டில் தென்காசி, மதுரை,நீலகிரி, சேலம் போன்ற இடங்களில் உள்ள பசுமை வளமிக்கப் பகுதிகள், தோட்டங்கள், விவசாய நிலங்கள், மரம் மிகுந்த பகுதிகளில் காணப்படும்.
0
Leave a Reply