தொழில் நிறுவனங்களின் உற்பத்தி செலவைக் குறைத்து, இலாபத்தை அதிகரிப்பதற்கு மின்சாரம் மற்றும் இதர ஆற்றல் மூலங்களை சரியான முறையில் சிக்கனமாக உபயோகப்படுத்துவதற்கான பயிற்சி முகாம் விருதுநகர் மாவட்ட ஆட்சித்தலைவர் அவர்களின் அறிவுறுத்தலின்படி, செப்டம்பர் 3 மற்றும் 4 ஆகிய தேதிகளில் மாவட்ட தொழில் மைய அலுவலக கூட்டரங்கில் நடைபெற்றது.தமிழ்நாட்டின் மொத்த மின் உற்பத்தியில் 41 சதவீதத்தை தொழில் நிறுவனங்களே உபயோகப்படுத்துகின்றன. எனவே தொழில் நிறவனங்களின் மின் நுகர்வை முறைப்படுத்தி சிக்கனப்படுத்துவது அவசியமானதாகும். பெரும் தொழில் நிறுவனங்கள் தாங்கள் அன்றாடம் பயன்படுத்தும் மின்சாரத்தை அளவீடு செய்து ஆற்றல் தணிக்கையாளர்களைக் கொண்டு ஆண்டுதோறும் ஆற்றல் தணிக்கை செய்வது கட்டாயமாகும்.ஆனால் குறு, சிறு மற்றும் நடுத்தர தொழில் நிறுவனங்களுக்கு இவ்வாறான வாய்ப்புகளை ஏற்படுத்தும் விதமாக, ஆற்றல் தணிக்கை மேற்கொள்ளும் தொழில் நிறுவனங்களுக்கு ஏற்படும் செலவுகளில் 75 சதவீதத்தை தமிழ்நாடு அரசு மானியமாக மாவட்ட தொழில் மையம் மூலமாக திரும்ப அளிக்கிறது. சிறு மற்றும் நடுத்தர தொழில் நிறுவனங்களின் உற்பத்தி செலவில் பெரும்பகுதி அப்பொருளை உற்பத்தி செய்யும் மின்சாரம் மற்றும் இதர ஆற்றல் மூலங்களுக்கு செலவாகிறது.எனவே தமிழ்நாடு அரசு ஆற்றல் தணிக்கை வல்லுநர்களைக் கொண்டு தொழில் நிறுவனங்களின் இயந்திரவியல், மின்னியல், டெக்ஸ்டைல்ஸ் மற்றும் இயந்திர பராமரிப்புப் பணியில் உள்ள மேலாளர்கள், பொறியாளர்கள் மற்றும் தொழில்நுட்பப் பணியாளர்களுக்கு ஆற்றல் சேமிப்பிற்கான பயிற்சிகளை மாவட்ட தொழில் மையங்கள் மூலமாக நடத்த 2021 ஆம் ஆண்டு அரசாணை பிறப்பித்திருந்தது.அதன்படி இவ்வாண்டிற்கான முதல் பயிற்சி கடந்த மாதம் ஆகஸ்ட் திருச்சுழி பகுதியில் உள்ள நூற்பாலை வளாகத்தல் நடைபெற்றது. இரண்டாவது பயிற்சி செப்டம்பர் 3 மற்றும் 4 ஆகிய தேதிகளில் மாவட்ட தொழில் மைய அலுவலக கூட்டரங்கில்; நடைபெற்றது.மத்திய அரசின் BUREAU OF ENERGY EFFICIENCY அங்கீகாரம் பெற்ற ஆற்றல் தணிக்கையாளரான திரு. செந்தில்குமார் மற்றும் மதுரை தியாகராஜர் பொறியியல் கல்லூரி பேராசிரியர் திரு. சரவணன் ஆகியோர் தொழில் நிறுவன பிரதிநிதிகளுக்கு ஆற்றல் சிக்கனம் குறித்து பயிற்சி அளித்தனர். இப்பயிற்சியானது தொடர்ந்து செப்டம்பர் 5 ஆம் தேதியும் நடைபெறவுள்ளது. இப்பயிற்சியில் விருதுநகர் மாவட்டத்தைச் சேர்ந்த 30க்கும் மேற்பட்ட தொழில் நிறுவனங்கள் கலந்து கொண்டு பயிற்சி பெற்றனர்.முன்னதாக இப்பயிற்சியில் விருதுநகர் மாவட்ட குறு, சிறு மற்றும் நடுத்தர தொழில் நிறுவனங்களின் முதுநிலை தலைவர் திரு. பிருந்தாவன், மாவட்ட தொழில் மைய பொது மேலாளர் திரு. இராமசுப்பிரமணியன், தமிழ்நாடு மின் உற்பத்தி மற்றும் மின் பகிர்மான கழக உதவி செயற்பொறியாளர் (பயிற்சி) திரு. ரவி மற்றும் தமிழ்நாடு மாசுக்கட்டுபாட்டு வாரிய உதவி பொறியாளர் செல்வி. கலைச்செல்வி ஆகியோர் கலந்து கொண்டு மின்சார சேமிப்பின் முக்கியத்துவத்தைப் பற்றி சிறப்புரையாற்றினர். தமிழ்நாடு அரசு ஆற்றல் தணிக்கை மற்றும் ஆற்றல் சேமிப்பை மேம்படுத்தும் திட்டத்தை (PEACE) 2021 ஆம் ஆண்டு முதல் சிறப்பாக செயல்படுத்தி வருகிறது. இத்திட்டத்தில் கடந்த மூன்று ஆண்டுகளில் 25-க்கும் மேற்பட்ட தொழில் நிறுவனங்கள் ஆற்றல் தணிக்கை செய்து ரூபாய். 42 இலட்சம் அளவில் மானியத்தொகை விடுவிக்கப்பட்டுள்ளது. இத்திட்டத்தில் ஆற்றல் தணிக்கையில் சுட்டிக்காட்டப்பட்டுள்ள குறைகளை களைந்து மின்சாரத்தை சிக்கனப்படுத்தும் இயந்திரங்களை நிறுவுபவர்களுக்கு அதற்கான செலவில் 50 சதவீதம் வரை மானியமாக திரும்ப வழங்கப்படும் எனவும் தொழில் நிறுவனங்கள் இத்திட்டத்தைப் பயன்படுத்தி ஆற்றலை சரியான முறையில் பயன்படுத்த வேண்டும் என தெரிவித்தார்.
விருதுநகர் மாவட்டம், அருப்புக்கோட்டை ஸ்ரீ சௌடாம்பிகா பாலிடெக்னிக் கல்லூரியில், மாவட்ட கருவூலம் சார்பில், வருமானவரி பிடித்தம் குறித்த விழிப்புணர்வு கூட்டம் மாவட்ட கருவூல அலுவலர் திரு.ச.சுந்தர் அவர்கள் தலைமையில் 03.9.2024 அன்று நடைபெற்றது.ஆணையர், கருவூலம் மற்றும் கணக்குதுறை, சென்னை அவர்களின் அறிவுரையின்படி வரிப்பிடித்தம் செய்யும் அலுவலர்களின் நலன் கருதி தமிழ்நாடு முழுவதும் உள்ள அனைத்து மாவட்ட கருவூல அலுவலகங்களின் கீழ் வருகிற அனைத்து பணம் பெற்று வழங்கும் அலுவலர்களுக்கும் வருமானவரி பிடித்தம் குறித்த விழிப்புணர்வு கூட்டம் நடத்தப்பட்டு வருகிறது. அந்த வகையில் விருதுநகர் மாவட்ட கருவூல அலகிலுள்ள சார்கருவூலங்களான அருப்புக்கோட்டை, திருச்சுழி மற்றும் காரியாபட்டி கீழ் வருகின்ற தமிழ்நாடு அரசு வரிப்பிடித்தம் செய்யும் அலுவலர்களின் நலன்கருதி வருமான வரி பிடித்தம் குறித்த கூட்டம் நடைபெற்றது.இக்கூட்டத்தில், மதுரை சரக வருமான வரி துணை ஆணையர் திரு. மதுசூதனன், I.R.S., அவர்கள், வருமான வரி அலுவலர் திரு.ஜி.வெங்கடேசன் மற்றும் அலுவலர்கள் கலந்து கொண்டு முறையாக வரிப்பிடித்தம் செய்வது எப்படி, வரிப்பிடித்தம் செய்பவர்களின் கடமைகள், அவர்களின் பொறுப்புகள், வரிப்பிடித்த விதிகளை முறையாகப் பின்பற்றவில்லை என்றால் ஏற்படும் சிக்கல்கள் குறித்து விளக்கி கூறினார்கள். இக்கூட்டத்தில் உதவி கருவூல அலுவலர்கள் அருப்புக்கோட்டை, காரியாபட்டி, திருச்சுழி மற்றும் 250-க்கும் மேற்ப்பட்டோர் கலந்து கொண்டனர்.
விருதுநகர் மாவட்ட ஆட்சியர் அலுவலக கூட்டரங்கில் (03.09.2024) விருதுநகர் கல்வி மாவட்டத்தை சேர்ந்த அரசு மற்றும் அரசு உதவி பெறும் மேல்நிலைப் பள்ளிகளில் இருந்து கடந்த வாரம் ஸ்ரீ ஹரிகோட்டா விண்வெளி ஆய்வு மையத்திற்கு பார்வையிட சுற்றுலா சென்று வந்த 40 பள்ளி மாணவர்களுடனான ‘Coffee With Collector” என்ற 102- வது கலந்துரையாடல் நிகழ்ச்சியில் மாவட்ட ஆட்சித்தலைவர் முனைவர் வீ.ப.ஜெயசீலன், I A S, அவர்கள் மாணவர்களுடன் கல்வி சுற்றுலா அனுபவம் குறித்து கலந்துரையாடி, கல்லூரிகள் தேர்வு, உயர்கல்வி மற்றும் வேலைவாய்ப்பு குறித்து உரிய வழிகாட்டுதல்களை வழங்கினார்.விருதுநகர் மாவட்டத்தில் பள்ளிகளில் பயிலும் மாணவர்களில் கல்வி, பொது அறிவு, விளையாட்டு, ஓவியம், இசை உள்ளிட்ட பல்வேறு திறன் அடிப்படையில் மாணாக்கர்களின் திறன்களை கண்டறிந்து, மாணவ, மாணவியர்கள் தேர்ந்தெடுக்கப்பட்டு பிரதி வாரம் ஒருமுறை அவர்களை மாவட்ட ஆட்சித்தலைவர் அவர்கள் நேரில் அழைத்து கலந்துரையாடும் நிகழ்ச்சி தொடங்கப்பட்டு, இன்று 102-வது முறையாக கலந்துரையாடல் நிகழ்ச்சி நடைபெற்றது.இந்த நிகழ்ச்சியின் முக்கிய நோக்கம், மாணவர்களுடைய உயர்ந்த இலட்சியம், அவர்களுடைய உயர்கல்வி பயில்வதற்கு வழிகாட்டுதல், போட்டி தேர்வுகளை எதிர்கொள்ளுதல், தோல்வியை எவ்வாறு எதிர்கொள்வது, அவர்களுக்கு கல்வி, வேலைவாய்ப்பு உள்ளிட்ட பல்வேறு பிரிவுகளில் அவர்களுடைய சந்தேகங்களை அகற்றி, அவர்கள் வாழ்க்கையில் எங்கு பிறந்தோம், நாம் அரசு பள்ளியில் பயின்றோம், நமக்கு வசதி இல்லை, நமக்கு பின்புலம் இல்லை என்பதெல்லாம், வாழ்க்கையில் ஒரு உயர்ந்த இடத்தை அடைவதற்கு ஒரு தடை இல்லை என்பதை புரிய வைத்து, தன்னம்பிக்கை, விடாமுயற்சி, கடின உழைப்புடன் தொடர்ந்து உழைத்தால் நாம் எதையும் சாதிக்க முடியும் என்பதை உணர்த்தும் வகையில் சரியான வழிகாட்டுதல் வழங்குவதே இந்த நிகழ்ச்சியின் முக்கிய நோக்கமாகும்.மேலும், மாவட்டத்தில் அரசுப்பள்ளிகளில் பயிலும் மாணவர்களில் பல்வேறு பிரிவுகளில் சிறந்து விளங்கும் மாணவர்களை தேர்ந்தெடுத்து, திருவனந்தபுரத்தில் உள்ள விக்ரம் சாராபாய் விண்வெளி ஆய்வு மையம்,ஆந்திரா மாநிலத்தில் உள்ள ஸ்ரீஹரிக்கோட்டா சதீஸ் தவான் விண்வெளி மையம், மதுரையில் உள்ள கலைஞர் நூற்றாண்டு நூலகம், சிவகங்கை மாவட்டத்தில் உள்ள கீழடி அருங்காட்சியகம், தூத்துக்குடியில் அமைக்கப்பட்டுள்ள பிரம்மாண்டமான ஸ்டெம் அறிவியல் பூங்கா, பந்தல்குடியில் உள்ள ராம்கோ சுற்றுசூழலியல், கொடைக்கானலில் சேக்ரட் ஹாட் இயற்கை அறிவியில் அருங்காட்சியகம், கொடைக்கானல் சூரிய வான் ஆய்வகம் உள்ளிட்ட பகுதிகளுக்கு தொடர்ச்சியாக கல்விச் சுற்றுலாவிற்கு அனுப்பி வைக்கப்பட்டு வருகின்றனர்.அந்த வகையில், விருதுநகர் மாவட்ட நிர்வாகம் சார்பில், நான் முதல்வன் திட்டத்தின் கீழ் 22.08.2024 மற்றும் 23.08.2024 ஆகிய இரண்டு தினங்கள் 40 அரசுப்பள்ளி மாணவர்கள் ஆந்திரா மாநிலத்தில் உள்ள ஸ்ரீஹரிக்கோட்டா சதீஸ் தவான் விண்வெளி மையத்தினை பார்வையிட சென்ற வந்த மாணவர்களிடம் சுற்றுலா பற்றிய அனுபவங்களை கேட்டறிந்தார்.விண்வெளி மையத்தில் உள்ள இரண்டு ராக்கெட் ஏவு தளங்கள் குறித்தும், ஏவுதளம் ஒன்று மற்றும் ஏவு தளம் இரண்டு இரண்டின் சிறப்புகளையும் விளக்கினர். இந்தியாவிற்கு பெருமை சேர்த்த மங்கள்யான், சந்திராயன், பிஎஸ்எல்வி, ஜிஎஸ்எல்வி போன்ற ராக்கெட்டுகள் ஏவுதளம் இரண்டிலிருந்து ஏவப்பட்டதை குறித்த விளக்கத்தினையும், அனுபவங்களையும் மாவட்ட ஆட்சித்தலைவர் அவர்களிடம் மாணவர்கள் பகிர்ந்து கொண்டனர்.மேலும், இஸ்ரோவில் வேலைக்கு சேர்வது எப்படி என்றும், இஸ்ரோவில் விஞ்ஞானியாக பணியாற்றுவதற்கும், அஸ்ட்ரோநட்டாக பணியாற்றுவதற்கும் என்ன செய்ய வேண்டும் என்ற பல்வேறு கேள்விகள் மற்றும் சந்தேகங்களுக்கு விஞ்ஞானிகள் அளித்த தெளிவாக பதில் எங்களுக்கு மிகவும் பயனுள்ளதாக இருந்தது என மாணவர்கள் தெரிவித்தனர்.பன்னிரெண்டாம் வகுப்பில் எடுக்க கூடிய மதிப்பெண்களை பயன்படுத்தி நமக்கான நல்ல வாயப்புகளை உருவாக்கி கொள்ள வேண்டும். உயர்கல்வி எங்கு பயின்றாலும், இந்தியாவில் சிறந்த கல்லூரியை தேர்ந்தெடுத்து படிக்க வேண்டும். வெற்றிக்கு தேவையான விஷயங்களை தொடர்ந்து ஆர்வத்துடன், கவனசிதறல் இல்லாமல், தொடர்ந்து விடா முயற்சியுடனும், கடினமாக உழைத்தால் எளிதாக வெற்றி பெறலாம்.மேலும், ஒவ்வொருவருக்கும் என்று தனித்திறமைகள் உள்ளன. அத்திறமைகளை அனைவரும் வளர்த்து கொண்டு வாழ்வில் முன்னேற வேண்டும் என மாவட்ட ஆட்சித்தலைவர் முனைவர் வீ.ப.ஜெயசீலன்,இ.ஆ.ப., அவர்கள் தெரிவித்தார்.
விளையாட்டு துறையில் சர்வதேச/தேசிய அளவிலான போட்டிகளில் வெற்றி பெற்று தற்போது நலிந்த நிலையிலுள்ள தமிழகத்தைச் சேர்ந்த முன்னாள் சிறந்த விளையாட்டு வீரர்களுக்கு மாத ஓய்வூதியம் உதவித் தொகையாக மாதம் ரூ.6000/- வீதம் வழங்கும் திட்டத்தின் கீழ் விண்ணப்பங்களை ஆணையத்தின் இணையதளம் www.sdat.tn.gov.in மூலம் மட்டுமே விண்ணப்பிக்க வரவேற்கப்படுகிறது.அ) குறைந்தபட்ச தகுதி-1. சர்வதேச /தேசிய போட்டிகளில் முதலிடம்/ இரண்டாமிடம்/ மூன்றாம் இடங்களில் வெற்றி பெற்றிருத்தல் வேண்டும். (அல்லது)2.சர்வதேச/தேசிய அளவிலான போட்டிகளில் பங்கேற்றிருத்தல் வேண்டும்.ஆ) தகுதியான விளையாட்டு போட்டிகள்-ஒன்றிய அரசினால் நடத்தப்பட்ட தேசிய அளவிலான பள்ளிகளுக்கிடையேயான போட்டிகள்.அகில இந்திய பல்கலைக்கழகங்களுக்கிடையேயான விளையாட்டுப் போட்டிகள். இந்திய ஒலிம்பிக் சங்கத்தினால் அங்கீகரிக்கப்பட்ட தேசிய விளையாட்டு சம்மேளனங்களால் நடத்தப்பட்ட சர்வதேச / தேசிய அளவிலான விளையாட்டு போட்டிகள். ஒன்றிய அரசின் விளையாட்டு அமைச்சகம் / இந்திய விளையாட்டு ஆணையத்தால் நடத்தப்பட்ட சர்வதேச / தேசிய அளவிலான விளையாட்டுப் போட்டிகள்.இ) வயது வரம்பு- 2024-ம் வருடம் 31 ஆகஸ்ட் மாதம் 58 வயது பூர்த்தி அடைந்தவராக இருத்தல் வேண்டும். விண்ணப்பதாரர்கள் தமிழகத்தை சேர்ந்தவர்களாகவும், தமிழ்நாடு சார்பில் போட்டிகளில் பங்கேற்றவர்களாகவும் இருத்தல் வேண்டும்.ஈ) மாத வருமானம்-விண்ணப்பதாரரின் மாத வருமானம் ரூ.6000/-ஆக இருத்தல் வேண்டும். ஒன்றிய அரசின் விளையாட்டு வீரர்களுக்கான ஓய்வூதியம் /மாநில அரசின் கீழ் ஓய்வூதியம் பெறுவோர் இத்திட்டத்தின் கீழ் ஓய்வூதியம் பெறத் தகுதி இல்லை. முதியோருக்கான (Veteran/Masters sports Meet) விளையாட்டு போட்டிகளில் வெற்றி பெற்றவர்கள் இத்திட்டத்தின் கீழ் ஓய்வூதியம் பெற தகுதியில்லைஉ) முக்கிய தேதிகள் மற்றும் நேரம்www.sdat.tn.gov.in இணையதளம் மூலம் விண்ணப்பிக்க துவக்க நாள் -01.09.2024 இவ்வாணய இணையதளத்தில் விண்ணப்பிக்க கடைசி நாள் - 30.09.2024 மாலை 6 மணி வரை ஆகும் என மாவட்ட ஆட்சித்தலைவர் முனைவர் வீ.ப.ஜெயசீலன். I A S., அவர்கள் தெரிவித்துள்ளார்கள்.
விருதுநகர் மாவட்டத்தில் நடப்பாண்டில் இதுவரை நெல் 1496 ஹெக்டேர் பரப்பளவில் பயிடப்பட்டுள்ளது. அதுபோல் சிறுதானியங்கள் 329 ஹெக்டேர் பரப்பளவிலும் பயறு வகை பயிர்கள் 277 ஹெக்டேர் பரப்பளவிலும் எண்ணெய் வித்து பயிர்கள் 662 ஹெக்டேர் பரப்பளவிலும், பருத்தி 319 ஹெக்டேர் பரப்பளவிலும் சாகுபடி செய்யப்பட்டுள்ளது. இந்த சாகுபடிக்கு தேவையான உரங்கள் போதியஅளவில் இருப்பு வைக்கப்பட்டுள்ளன.விருதுநகர் மாவட்டத்தில் உள்ளகூட்டுறவு மற்றும் தனியார் உரம் விற்பனை நிலையங்களில் யூரியா 3491 டன், டி.ஏ.பி 780 டன்,பொட்டாஷ் 393 டன், காம்ப்ளக்ஸ் உரங்கள் 2339 டன் விவசாயிகளின் தேவைக்காக இருப்பு வைக்கப்பட்டுள்ளது.மேலும் விவசாயிகள், பயிர் சாகுபடிக்கு டி.ஏ.பி. உரத்துக்கு மாற்றாக சூப்பர் பாஸ்பேட் உரம் மற்றும் காம்பளக்ஸ் உரங்களை பயன்படுத்தலாம். சூப்பர் பாஸ்பேட் உரத்தில் பயிர்களுக்கு தேவையான பாஸ்பரஸ், சல்பர் மற்றும் கால்சியம் போன்ற கூடுதல் சத்துக்கள் அடங்கியுள்ளன. இந்த உரம் பெரும்பாலும் உள்நாட்டிலேயே தயாரிக்கப்பட்டுள்ளது. சூப்பர் பாஸ்பேட் உரத்தினை எண்ணெய்வித்து பயிர்களில் டி.ஏ.பி.உரத்துக்கு மாற்றாக பயன்படுத்தும் பொழுது மகசூல் அதிகரிப்பதுடன் எண்ணெய் அளவும் அதிகரிக்கின்றது. எள், சூரியகாந்தி போன்ற எண்ணெய்வித்து பயிர்களுக்கு சல்பர் சத்து அத்தியாவசியமானதாகும். மண்ணில் டி.ஏ.பி. உரமிடும் போது மண்ணில் ஏற்படுத்தும் உப்பு நிலையை விட சூப்பர் பாஸ்பேட் உரத்தினை பயன்படுத்தும் போது குறைவாகவே உப்பு நிலை ஏற்படுத்துவதாக ஆய்வுகளில் கண்டறியப்பட்டுள்ளது. மேலும், அதிகப்படியாக டிஏபி உரத்தினை பயன்படுத்துவது மண்ணில் உள்ள ஊட்ட சத்துக்களின் சமநிலையை பாதிக்கிறது. எனவே விவசாயிகள் டி.ஏ.பி. உரத்திற்கு பதிலாக சூப்பர் பாஸ்பேட் மற்றும் காம்ப்ளக்ஸ் உரங்களை பயன்படுத்தி பயன் பெறலாம். இதற்காக விருதுநகர் மாவட்டத்தில் 214 டன் சூப்பர் பாஸ்பேட் உரம் மற்றும் 2334 டன் காம்ப்ளகஸ் உரங்கள் இருப்பு வைக்கப்பட்டுள்ளது. மேலும், உரம் கிடைப்பதில் பிரச்சனை, இரசீது இல்லாமல் விற்பனை செய்வது, அதிக விலைக்கு விற்பனை செய்வது, பிற உரங்களை வாங்க கட்டாயப்படுத்துவது மற்றும் உரம் பதுக்கல் பற்றிய புகார்களை அந்தந்த பகுதிகளுக்கான வட்டார வேளாண்மை உதவி இயக்குநரிடம் விவசாயிகள் தெரிவிக்கலாம் என மாவட்ட ஆட்சித்தலைவர் முனைவர் வீ.ப.ஜெயசீலன் I A S.,அவர்கள் கேட்டுக்கொண்டுள்ளார்.
விருதுநகர் மாவட்டத்தில் மூன்றாவது புத்தகத்திருவிழா செப்டம்பர் 27.09.2024 முதல் அக்டோபர் 07.10.2024 வரை விருதுநகர் கே.வி.எஸ். ஆண்கள் மேல்நிலைப்பள்ளியில் நடைபெற உள்ளது. இப்புத்தகத் திருவிழாவின் மைய நோக்கம் “மரமும் மரபும்” அதாவது சுற்றுச்சூழலையும், நமது பண்பாட்டையும் பாதுகாக்க வேண்டியதன் அவசியத்தை வலியுறுத்துவதாகும்.இது தொடர்பாக கரிசல் மண்ணின் பண்பாட்டை மையமாக கொண்ட வண்ணச் சிறுகதைகள் எழுத்தார்வம் மிக்கோரிடமிருந்து வரவேற்கப்படுகின்றன. சிறுகதைகள் குறைந்தது ஐந்து முதல் பத்து பக்கங்களுக்கு எழுதி shortstoriesvnrdt2024@gmail.com என்ற மின்னஞ்சல் முகவரிக்கு செப்டம்பர் 15-ஆம் தேதிக்குள் அனுப்பி வைக்கப்பட வேண்டும்.குழு நடுவர்கள் மூலம் சிறப்பாக எழுதி அனுப்பப்படும் சிறுகதைகள் தேர்வு செய்யப்பட்டு பரிசுகள் வழங்கப்படும். முதல் பரிசு ரூ.30,000, இரண்டாம் பரிசு ரூ.20,000, மூன்றாம் பரிசு ரூ10,000 ஆறுதல் பரிசு 5 நபர்களுக்கு ரூ5,000 வீதம் மாவட்ட ஆட்சியரால் வழங்கப்படும். மேலும், தேர்ச்சி பெறும் சிறுகதைகள் 3-ஆவது புத்தகத் திருவிழா மலரில் இடம்பெறும் என மாவட்ட ஆட்சித்தலைவர் முனைவர் வீ.ப.ஜெயசீலன்.,I A S., அவர்கள் தெரிவித்துள்ளார்.
விருதுநகர் மாவட்டத்தில் மூன்றாவது புத்தகத் திருவிழா செப்டம்பர் 27.09.2024 முதல் அக்டோபர் 07.10.2024 வரை கே.வி.எஸ். ஆண்கள் மேல்நிலைப்பள்ளியில் நடைபெற உள்ளது. மேற்படி புத்தகக் கண்காட்சி குறித்து விழிப்புணர்வு ஏற்படுத்தும் பொருட்டு பொதுமக்களுக்கான கலை இலக்கியப் போட்டிகள் நடத்தப்படவுள்ளது.அதன்படி, வரும் 08.09.2024 அன்று கட்டுரைப்போட்டிகளும், வரும் 15.09.2024 அன்று கவிதைப் போட்டிகளும், வரும் 21.09.2024 அன்று புத்தகக்குறிப்பு எழுதுதல் (கரிசல் இலக்கியம் தொடர்பான புத்தகங்கள்)-1 புத்தகம் போட்டிகளும், வரும் 22.09.2024 அன்று புத்தக ஆய்வு (Book Review) என்ற தலைப்பில் பேச்சுப் போட்டிகளும் அனைத்து வட்டங்களிலும் நடைபெற உள்ளது.பொதுமக்களுக்கான கலை இலக்கியப் போட்டிகளில் பள்ளி கல்லூரி மாணவர்கள் தவிர அனைவரும் பங்கேற்கலாம். மேற்படி போட்டிகள் குறித்து விரிவான தகவல்களை அறிய தொடர்புடைய பொறுப்பு நூலகர்களைத் தொடர்பு கொள்ளலாம் என மாவட்டஆட்சித்தலைவர் முனைவர் வீ.ப.ஜெயசீலன்., I A S.,அவர்கள் தெரிவித்துள்ளார்கள்.போட்டிகள் நடைபெறவுள்ள இடம் பொறுப்பு நூலகர்அறிவு சார் மையம், அருப்புக்கோட்டை என்.நடராஜன், (9994025279)அரசு பொது நூலகம், சாத்தூர். சு.பாலசுப்பிரமணியன் (9751042959)அறிவு சார் மையம், சிவகாசி க.அ.மு.ராஜா (9994080713)அறிவு சார் மையம், திருவில்லிபுத்தூர் சோ.மலர்வேந்தன் (9500432396)அறிவு சார் மையம், விருதுநகர் வி.செந்தில்குமார் (7010991170)அரசு பொது நூலகம், இராஜபாளையம் இல.ராமகிருஷ்ணன் (9487053753)அரசு பொது நூலகம், வத்திராயிருப்பு சி.வெள்ளைச்சாமி (9952243318)அரசு பொது நூலகம், வெம்பக்கோட்டை ஸ்.லெனின் (9789688869)அரசு பொது நூலகம், திருச்சுழி சு.பாஸ்கரன் (9944253609)அரசு பொது நூலகம், நரிக்குடி ஜி.ராஜா(9865769118)அரசு பொது நூலகம், காரியாபட்டி பி.சுரேஷ்கண்ணன் (9786112369)
விருதுநகர் மாவட்ட காணொளி காட்சி கூட்டரங்கில் (02.09.2024) கல்வி நிறுவனங்களில் பாலியல் துன்புறுத்தல் சம்பவங்கள் மற்றும் பெண்களுக்கு எதிரான குற்றங்களைத் தடுப்பது தொடர்பாக தலைமை செயலாளர் திரு.நா.முருகானந்தம்,இ.ஆ.ப., அவர்கள் தலைமையில், ஆய்வுக்கூட்டம் காணொலி காட்சி வாயிலாக நடைபெற்றதை தொடர்ந்து, மாவட்டத்தில் கல்வி நிறுவனங்களில் பாலியல் துன்புறுத்தல் சம்பவங்கள் மற்றும் பெண்களுக்கு எதிரான குற்றங்களைத் தடுப்பது தொடர்பாக மேற்கொள்ளப்பட வேண்டிய பணிகள் குறித்து மாவட்ட காவல் கண்காணிப்பாளர் திரு.தெ.கண்ணன்,த.கா.ப., அவர்கள் முன்னிலையில்;, மாவட்ட ஆட்சித்தலைவர் முனைவர் வீ.ப.ஜெயசீலன், I A S, அவர்கள் தலைமையில் பள்ளிக்கல்வித்துறை, சமூக பாதுகாப்பு அலுவலகம், குழந்தைகள் பாதுகாப்பு அலகு உள்ளிட்ட தொடர்புடைய துறை அலுவலர்களுடனான ஆலோசனைக் கூட்டம் நடைபெற்றது.பெண்கள் கல்லூரி மற்றும் விடுதிகளில் பெண்களின் பாதுகாப்பை உறுதி செய்வதற்காக கண்காணிப்பு கேமராக்கள் பொருத்தப்பட வேண்டும். மாணவிகளுக்கு தொலைபேசியின் மூலம் பணியாளர்கள், மாணவர்கள் மூலமாகவோ தொந்தரவுகள் ஏதேனும் ஏற்படும் பட்சத்தில், 181,1091 ஆகிய புகார் எண்களை தொடர்பு கொள்ளலாம்.கல்லூரிகளில் மாணவிகளுக்கு எதிரான புகார்களை மறைப்பது கல்லூரி நிர்வாகத்தின் மிகப்பெரிய தவறாகும். அவ்வாறு செயல்படும் பட்சத்தில் அந்த கல்லூரி நிர்வாகத்தின் மீதும், அதில் சம்பந்தப்பட்டவர்கள் மீதும் மிக கடுமையான நடவடிக்கை எடுக்கப்படும்.ஒவ்வொரு கல்வி நிறுவனத்திலும் பெண்களுக்கு எதிரான குற்றங்களை தடுப்பதற்கு அமைக்கப்பட்டுள்ள குழுக்களிடம் பெறப்படும் புகார்களுக்கு விருப்பு வெறுப்பிற்கு அப்பாற்பட்டு, சட்டத்தின் வழியில் நடவடிக்கை எடுக்க வேண்டும். இது குறித்த சட்டங்கள், விதிமுறைகள் உள்ளிட்டவை குறித்து அனைத்து நிலை அலுவலர்கள் மற்றும் பணியாளர்கள் தெரிந்து கொள்ளும் வகையில் விழிப்புணர்வு ஏற்படுத்த வேண்டும்.மேலும், ஒவ்வொரு பள்ளி, கல்லூரிகளிலும் பெண்களுக்கெதிரான குற்றங்கள் வராமல் தடுப்பதற்கான முன்னெச்சரிக்கை நடவடிக்கைகளை மேற்கொள்ள வேண்டும்.எனவே, இதனுடைய முக்கியத்துவத்தை புரிந்து கொண்டு அனைத்து பள்ளி கல்லூரி முதல்வர்கள், தலைமை ஆசிரியர்கள் மற்றும் கல்லூரி மேலாண்மை குழு இணைந்து செயல்பட வேண்டும்.கல்லூரிகளில் கண்காணிப்பு கேமரா, புகார்பெட்டி, பாலியல் துன்புறுத்தல் செயல்பாடுகள் குறித்து ஆய்வு மேற்கொள்ள காவல்துறை, வருவாய்த்துறை, சமூக நலத்துறை ஆகிய துறை அலுவலர்கள் மூன்று நபர்கள் கொண்ட குழு அமைக்கப்பட்டு தொடர்ச்சியாக ஆய்வு மேற்கொள்ள உள்ளனர்.மேலும், மாவட்டத்தில் தொடர்ச்சியாக் கஞ்சா மற்றும் போதை பொருள்கள் குறித்து, தொடர்ச்சியாக ஆய்வு செய்யப்பட்டு, பறிமுதல் செய்யப்பட்டு வருகின்றன. குறிப்பாக பள்ளிகளில் ஒரு ஆசிரியர் நியமிக்கப்பட்டு, மாணவர்களின் செயல்பாடுகள் குறித்தும், போதை பொருள்கள் பயன்பாடு, விற்பனை குறித்தும் தகவல் சேகரிக்கப்பட்டு கிடைக்கப்பட்டுள்ளன. இது குறித்து தொடர்ச்சியாக கண்காணிக்க வேண்டும்.மாவட்டத்தில் குறிப்பாக பள்ளி கல்லூரிகளில் மாணவர்கள் பாதுகாப்பாக இருப்பதற்கும் குறிப்பாக பெண் குழந்தைகள் மாணவிகள் பாலியல் சார்ந்த குற்றங்களிலிருந்து பாதுகாப்பாக இருப்பதற்கும், போதை பொருட்களில் இருந்து அவர்களுடைய வாழ்க்கையை காப்பதற்கும் நாம் அனைவரும் இணைந்து செயல்பட வேண்டுமென மாவட்ட ஆட்சித்தலைவர்அவர்கள்தெரிவித்தார்.இக்கூட்டத்தில், சிவகாசி சார் ஆட்சியர் திருமதி ந.ப்ரியா ரவிச்சந்திரன்,I A S, மாவட்ட ஆட்சியரின் நேர்முக உதவியாளர் (பொது) மரு.பிர்தௌஸ் பாத்திமா, மாவட்ட காவல் கூடுதல் கண்காணிப்பாளர்கள் திரு.அசோகன் (சைபர் கிரைம்), திரு.சூரியமூர்த்தி (குழந்தை மற்றும் பெண்களுக்கு எதிரிரான குற்றங்களைத் தடுத்தல்) உட்பட காவல்துறை, பள்ளிக்கல்வித் துறை, சமூக நலத்துறை, கல்லூரி நிர்வாக அலுவலர்கள் மற்றும் அரசு அலுவலர்கள் பலர் கலந்து கொண்டனர்.
விருதுநகர் மாவட்ட ஆட்சியர் அலுவலகத்தில் (02.09.2024) மூன்றாவது விருதுநகர் புத்தக திருவிழா, விருதுநகரில் அமைந்துள்ள கே.வி.எஸ்.மேல்நிலைப்பள்ளி வளாக பொருட்காட்சி மைதானத்தில் 27.09.2024 முதல் 07.10.2024 வரை 11 நாட்களுக்கு நடைபெறவுள்ளதை முன்னிட்டு, “மரமும் மரபும்” என்ற தலைப்பில் சுற்றுச்சூழலும் தொன்மையும் என்ற கருத்தினை மையப்படுத்தி பிரத்யேகமாக வடிவமைக்கப்பட்ட இலச்சினையினை மாவட்ட ஆட்சித்தலைவர் முனைவர் வீ.ப.ஜெயசீலன், I A S, அவர்கள் வெளியிட்டார். தமிழ்நாடு முதலமைச்சர் அவர்கள் சமுதாயத்தை அறிவார்ந்த நிலைக்கு உயர்த்துவதில், புத்தகவாசிப்பு முக்கிய பங்குவகிக்கிறது. எனவே, பொதுமக்கள் மற்றும் மாணவர்களிடையே புத்தக வாசிப்புப் பழக்கத்தினை ஊக்கப்படுத்த வேண்டும். புத்தகவாசிப்பினை ஒருமக்கள் இயக்கமாக எடுத்துச் செல்ல சென்னை புத்தகக் காட்சி போன்று தமிழ்நாட்டின் அனைத்து மாவட்டங்களிலும், இலக்கிய சிந்தனைமிக்க தமிழ் மொழியின் இலக்கிய மரபுகளைக் கொண்டாடும் வகையில் புத்தகக் காட்சிகள் மற்றும் இலக்கியத் திருவிழாக்கள் நடத்தப்படும் என அறிவிக்கப்பட்டு, ஆண்டுதோறும் புத்தகத்திருவிழா கொண்டாடப்பட்டு வருகிறது.அதனடிப்படையில், விருதுநகர் மாவட்டத்தில் மாவட்ட நிர்வாகமும் தென்னிந்திய புத்தக விற்பனையாளர்கள் மற்றும் பதிப்பாளர்கள் சங்கமும் இணைந்து, விருதுநகரில் அமைந்துள்ள கே.வி.எஸ்.மேல்நிலைப்பள்ளி வளாகத்திலுள்ள பொருட்காட்சி மைதானத்தில் 27.09.2024 முதல் 07.10.2024 வரை 11 நாட்களுக்கு காலை 11.00 மணி முதல் இரவு 9.00 மணி வரை மாபெரும் புத்தகத் திருவிழா நடத்தப்பட இருக்கிறது.இப்புத்தகத் திருவிழாவில் நூற்றுக்கும் மேற்பட்ட புத்தக அரங்குகள், பிரபல எழுத்தாளர்களின் கருத்தரங்கு, சிறப்புப் பட்டிமன்றங்கள், பள்ளி மாணவ, மாணவியர்களின் கலைநிகழ்ச்சிகள், நாட்டுபுற கலைநிகழ்ச்சிகள், தொல்லியல்துறை அரங்குகள், அரசுத்துறைகளின் திட்டங்கள் மற்றும் செயல்பாடுகள் குறித்த அரங்குகள் உள்ளிட்ட பல்வேறு சிறப்பு அம்சங்களுடன் அனைத்துத் தரப்பு மக்களும் மாணவ, மாணவியர்களும் கலந்து கொண்டு பயன்பெறுவதற்கு திட்டமிடப்பட்டு அதற்கான அனைத்து முன்னேற்பாடு பணிகள் சிறப்பாக நடைபெற்று வருகிறது.அதன்படி, இந்த புத்தகக் கண்காட்சி குறித்து அனைவரும் அறிந்து கொள்ளும் வகையிலும், விழிப்புணர்வை ஏற்படுத்தும் வகையிலும், “மரமும் மரபும்” என்ற தலைப்பில் சுற்றுச்சூழலும் தொன்மையும் என்ற கருத்தினை மையப்படுத்தி பிரத்யேகமாக வடிவமைக்கப்பட்ட இலச்சினை வெளியிடப்பட்டுள்ளது.பொதுமக்கள், மாணவ, மாணவியர்கள், இளைஞர்கள், புத்தக வாசிப்பை விரும்பும் அனைவரும் பயன்பெறும் வகையில், இந்தப் புத்தகத் திருவிழா சிறப்புடன் நடத்திட ஏற்பாடு செய்யப்பட்டு வருகிறது. இதனை அனைவரும் கண்டுகளித்து, புத்தகத் திருவிழாவில் இடம்பெறும் பதிப்பகங்களில் தாங்கள் விரும்புகின்ற புத்தகங்களை வாங்கி பயன்பெறுமாறும், இந்த புத்தகத் திருவிழா குறித்து அனைத்துத் தரப்பினருக்கும் தகவல்களையும் கொண்டு செல்வதற்கு, போதுமான விளம்பரம் மற்றும் விழிப்புணர்வு பணிகளை செய்து, அனைவரும் பயன்பெறுவதற்கு பத்திரிகை மற்றும் ஊடகத்துறை நண்பர்கள் போதிய ஒத்துழைப்பு நல்க வேண்டும் எனவும் மாவட்ட ஆட்சித்தலைவர் அவர்கள் தெரிவித்தார்.
விருதுநகர் மாவட்ட ஆட்சியர் அலுவலகத்தில் (02.09.2024) திண்டுக்கல் மாவட்டம், நத்தம் ஆவிச்சிபட்டி கிராமத்தில் 24-8-2024 அன்று தனியார் பட்டாசு தொழிற்சாலையில் ஏற்பட்ட வெடிவிபத்தில் உயிரிழந்த விருதுநகர் மாவட்டம் திருத்தங்கலைச் சேர்ந்த லேட் திரு.கண்ணன் என்பவரின் வாரிசுதாரருக்கு முதலமைச்சர் பொதுநிவாரண நிதியிலிருந்து ரூ.3 இலட்சத்திற்கான காசோலையினை மாவட்ட ஆட்சித்தலைவர் முனைவர் வீ.ப.ஜெயசீலன்,I A S, அவர்கள் வழங்கினார்.
