ஆசிய விளையாட்டு: காலிறுதியில் ஜப்பானை எதிர்கொள்ளும் இந்திய பெண்கள்.
ஜப்பானில் செப்டம்பர் 29-ம் தேதி தொடங்க உள்ள 20வது ஆசிய விளையாட்டு போட்டிக்கான கிரிக்கெட் அட்டவணை வெளியாகியுள்ளது. இதில் இந்திய அணிகள் நடப்பு சாம்பியன் என்ற அந்தஸ்துடன் களமிறங்குகின்றன.
பெண்கள் கிரிக்கெட் பிரிவில் இந்தியா, வங்கதேசம், சீனா, இலங்கை, மலேசியா, பாகிஸ்தான், தாய்லாந்து, ஜப்பான் ஆகிய 8 அணிகளும் நேரடியாக காலிறுதிக்கு தகுதி பெற்றுள்ளன.
செப்டம்பர் 18-ம் தேதி நடைபெறும் காலிறுதிப் போட்டியில் இந்திய பெண்கள் அணி, ஜப்பானை எதிர்கொள்கிறது.
ஆண்கள் பிரிவில் இந்தியா, இலங்கை, வங்கதேசம், பாகிஸ்தான் ஆகிய 4 அணிகள் நேரடியாக காலிறுதிக்கு முன்னேறியுள்ளன. செப்டம்பர் 28-ம் தேதி நடைபெறும் காலிறுதியில் இந்திய அணி, முதல் சுற்றின் ‘ஏ’ பிரிவில் 2வது இடம் பிடிக்கும் அணியை சந்திக்கிறது. அந்தப் பிரிவில் ஆப்கானிஸ்தான், ஜப்பான், நேபாளம் ஆகிய அணிகள் இடம்பெற்றுள்ளன.
பெண்கள் கிரிக்கெட் இறுதிப்போட்டி செப்டம்பர் 22-ம் தேதியும், ஆண்கள் இறுதிப்போட்டி அக்டோபர் 3-ம் தேதியும் நடைபெற உள்ளது.
0
Leave a Reply