ஆசிய சாம்பியன்ஸ் டிராபி ஹாக்கி இன்று தொடக்கம்.
ஆசிய பெண்கள் சாம்பியன்ஸ் டிராபி ஹாக்கித் தொடர் இன்று மத்திய பிரதேச மாநிலம் போபாலில் தொடங்குகிறது. இதில் பங்கேற்கும் இந்திய அணி, தொடர்ந்து 3-வது முறையாக கோப்பையை வெல்லும் முனைப்பில் களமிறங்குகிறது.
9-வது சீசனாக நடைபெறும் இத்தொடரில் இந்தியா, சீனா, ஜப்பான், தென் கொரியா, மலேசியா, தாய்லாந்து என மொத்தம் 6 அணிகள் பங்கேற்கின்றன. ஒவ்வொரு அணியும் மற்ற அணிகளுடன் தலா ஒரு முறை மோதும். லீக் சுற்றின் முடிவில் முதல் 4 இடங்களைப் பிடிக்கும் அணிகள் நவம்பர் 27-ம் தேதி நடைபெறும் அரையிறுதிக்கு முன்னேறும். இறுதிப்போட்டி நவம்பர் 28-ம் தேதி நடைபெறுகிறது.
இந்திய அணி தனது முதல் போட்டியில் இன்று மலேசியாவை எதிர்கொள்கிறது. தொடர்ந்து நவம்பர் 21-ல் தென் கொரியா, நவம்பர் 24-ல் தாய்லாந்து மற்றும் சீனா, நவம்பர் 25-ல் ஜப்பான் அணிகளுடன் மோதுகிறது. வலுவான அணிகளான சீனா, தென் கொரியாவை எதிர்கொள்வது இந்திய அணிக்கு முக்கிய சவாலாக இருக்கும்.
0
Leave a Reply