குப்பையிலிருந்து கரண்ட்! மிச்சமாகும் சாம்பலுக்கு சிங்கப்பூர் போட்ட செம பிளான்.
கழிவு மேலாண்மையில் சர்வதேச அளவில் முன்மாதிரியாகத் திகழும் சிங்கப்பூர், குப்பைகளைக் கூட மிகத் துல்லியமாகக் கணக்கிட்டுப் பயன்படுத்தி வருகிறது.
சிங்கப்பூரில் எரிக்கக்கூடிய கழிவுகள் அனைத்தும் 'வேஸ்ட்-டு-எனர்ஜி' (Waste-to-Energy) மையங்களில் எரிக்கப்பட்டு, அதிலிருந்து வெற்றிகரமாக மின்சாரம் தயாரிக்கப்படுகிறது. இந்த எரிப்புச் செயல்முறைக்குப் பிறகு மிஞ்சும் சாம்பல் மற்றும் எரிக்க முடியாத சில குறிப்பிட்ட கழிவுகள் மட்டுமே 'செமக்காவ் லேண்ட்ஃபில்' (Semakau Landfill) பகுதிக்குக் கொண்டு செல்லப்படுகின்றன.
புலாவ் செமக்காவ் (Pulau Semakau) மற்றும் புலாவ் சாகெங் (Pulau Sakeng) ஆகிய தீவுகளுக்கு அருகிலுள்ள கடல் பகுதியைத் தடுப்பணைகளால் சுற்றி உருவாக்கப்பட்ட இந்த லேண்ட்ஃபில், சிங்கப்பூரின் ஒரே குப்பை புதைக்கும் இடமாகும். குப்பைகளைக் கொட்டும் இடமாக இருந்தாலும், கடுமையான சுற்றுச்சூழல் பாதுகாப்பு நடவடிக்கைகளால் இங்குள்ள பவளப்பாறைகள் பாதுகாக்கப்பட்டுள்ளதுடன், செயற்கையாக மறுசீரமைக்கப்பட்ட அலையாத்தி காடுகளும் (Mangroves) செழிப்பாக வளர்ந்து இயற்கை எழிலோடு காட்சியளிப்பது குறிப்பிடத்தக்கது.
0
Leave a Reply