தூத்துக்குடியில் புதிய ராக்கெட் ஏவுதளம்: தனியார் பங்களிப்புக்கு நடவடிக்கை.
தூத்துக்குடி மாவட்டம் குலசேகரப்பட்டினத்தில் இந்திய விண்வெளி ஆய்வு நிறுவனம் (இஸ்ரோ) சார்பில் ரூ.986 கோடி மதிப்பில் புதிய ராக்கெட் ஏவுதளம் அமைக்கும் பணிகள் நடைபெற்று வருகின்றன.
இந்த ஏவுதளத்தின் இயக்கம், பராமரிப்பு மற்றும் ராக்கெட் ஏவுதல் உள்ளிட்ட பணிகளில் தனியார் நிறுவனங்களின் பங்களிப்பை ஏற்படுத்தும் நடவடிக்கையை மத்திய அரசு தொடங்கியுள்ளது.
ஸ்ரீஹரிகோட்டாவுக்கு அடுத்ததாக இந்தியாவின் இரண்டாவது ராக்கெட் ஏவுதளமாக குலசேகரப்பட்டினம் அமைய உள்ளது. சுமார் 2,233 ஏக்கர் பரப்பளவில் உருவாகும் இந்த மையத்தில் ஆரம்பகட்டமாக சிறிய ரக ராக்கெட்டுகள் மற்றும் செயற்கைக்கோள்களை விண்ணில் செலுத்துவதற்கு முக்கியத்துவம் அளிக்கப்பட உள்ளது.
பூமத்திய ரேகைக்கு அருகில் அமைந்துள்ளதால், குறைந்த எரிபொருள் செலவில் ராக்கெட்டுகளை விண்ணில் செலுத்துவதற்கு குலசேகரப்பட்டினம் சாதகமான இடமாகக் கருதப்படுகிறது.
0
Leave a Reply