வீரதீரச் செயல் புரிந்தவர்கள் அண்ணா பதக்கம் பெற விண்ணப்பிக்கலாம்.
தமிழ்நாடு அரசால், உயிர் மற்றும் உடைமைகளைக் காப்பாற்றும் வகையில் சிறப்பான வீரதீரச் செயல்களைப் புரிந்த பொதுமக்கள் மற்றும் அரசு ஊழியர்களைப் பாராட்டி, ஆண்டுதோறும் குடியரசு தின விழாவின்போது தமிழ்நாடு முதலமைச்சர் அவர்களால் “அண்ணா பதக்கம் – வீரதீரச் செயல்களுக்கான விருது” வழங்கப்பட்டு வருகிறது.
அதன்படி, 2027 ஆம் ஆண்டிற்கான அண்ணா பதக்கம் பெறுவதற்கு, உயிர் மற்றும் உடைமைகளைக் காப்பாற்றுவதில் குறிப்பிடத்தக்க வீரதீரச் செயல் புரிந்த பொதுமக்கள் மற்றும் அரசு ஊழியர்களிடமிருந்து விண்ணப்பங்கள் வரவேற்கப்படுகின்றன.விண்ணப்பங்கள் மற்றும் பரிந்துரைகள் https://awards.tn.gov.in என்ற இணையதள முகவரியில் 08.12.2026 ஆம் தேதிக்குள் விண்ணப்பிக்கப்பட வேண்டும்.
இணையதளத்தில் விண்ணப்பித்த பின்னர் இவ்விருதிற்குப் பரிந்துரைக்கப்படும் நபர்களின் வீரதீரச் செயல் குறித்த விரிவான அறிக்கை மற்றும் அதற்கான உரிய ஆதாரங்களுடன் கூடிய பரிந்துரைகள் ஆங்கிலம் மற்றும் தமிழில் தனித்தனியாக, அதிகபட்சம் 800 வார்த்தைகளுக்கு மிகாமல் தெளிவான கருத்தருவாக விருதுநகர் மாவட்ட சமூக நல அலுவலகத்தில் 07.12.2026 ஆம் தேதிக்குள் சமர்ப்பிக்க வேண்டும் என மாவட்ட ஆட்சித்தலைவர் திருமதி ஷரண்யா அறி I A S., அவர்கள் தெரிவித்துள்ளார்.
0
Leave a Reply