25 YEARS OF EXCELLENCE
Weather: -
Saturday Oct 17, 2026
11:18:31am
Weather: -
Saturday Oct 17, 2026
11:18:31am
பெண்கள் பிரிமியர் லீக் கிரிக்கெட் தொடரின் 4வது சீசன் இந்தியாவில், நடக் கிறது.லீக் சுற்றில் பெங்களூரு அணி, 8ல் 6 வெற்றி பெற்ற பட்டியலில் முதலிடம் பெற்று, நேரடியாக பைனலுக்கு முன்னேறியது. வதோதராவில் நேற்று நடந்த 'எலிமினேட்டர்' போட்டியில் புள்ளிப் பட்டியலில் 2, 3வது இடம் பிடித்த குஜராத், டில்லி அணிகள் மோதின. 'டாஸ்' வென்ற டில்லி அணி கேப்டன் ஜெமிமா 'பீல்டிங்' தேர்வு செய்தார். குஜராத் அணி 20 ஓவரில் 168/7 ரன் எடுத்தது. டில்லி அணி 15.4 ஓவரில் 169/3 ரன் எடுத்து, வெற்றி பெற்றது. பெங்களூரு, டில்லி அணிகள் நாளை நடக்கும் பைனலில், மோத உள்ளன.
19 வயதுக்கு உட்பட்டோருக்கான ஐ.சி.சி., உலக கோப்பை(50 ஓவர்)16வது சீசன் ஜிம்பாப்வே, நமீபியாவில்நடக்கிறது. நேற்று புலவாயோவில் நடந்த முதல் அரையிறுதியில் நடப்பு சாம்பியன் ஆஸ்திரேலியா, இங்கிலாந்து அணிகள் மோதின. 'டாஸ்' வென்ற இங்கிலாந்து அணி பேட்டிங் தேர்வு செய்தது. இங்கிலாந்து அணி 50 ஓவரில் 277/7 ரன் எடுத்தது. ஆஸ்திரேலிய அணி 47.3 ஓவரில் 250 ரன்னுக்கு ஆல் அவுட்டாகி தோற்றது.
இத்தாலியின் மிலன் கோர் டினோவில் குளிர்கால ஒலிம்பிக் போட்டி (பிப்ரவரி 6-22), 22,000 சதுர கி.மீ., பரப்பளவில் நடக்க உள்ளது. பனிச்சறுக்கு, ஐஸ் ஹாக்கி உள்ளிட்ட விளையாட்டுகளை காண ரசிகர்கள் ஆர்வத்துடன் காத்திருக்கின்றனர்."ஒலிம்பிக் போட்டிக்கானதிட்டங்களில் விரைவில் மாற்றங்களை எதிர் பார்க்கலாம். குளிர்கால ஒலிம்பிக், இளம் தலைமுறைக்கு ஊக்கம் அளிக்க வேண்டும்," என்று,சர்வதேச ஒலிம்பிக் கமிட்டியின் தலைவர் கிறிஸ்டி கவன்ட்ரி கூ றினார்.
டாடா ஸ்டீல் செஸ் தொடரின்88வது சீசன் நெதர்லாந்தில், மாஸ்டர்ஸ் பிரிவு13வது சுற்றில், இந்தியாவின் குகேஷ்(வெள்ளை), ஜெர்மனியின் வின்சன்ட் கீமர் (கருப்பு) மோதினர். இப் போட்டி 57வது நகர்த்தலில் 'டிரா' ஆனது.நெதர்லாந்தின் அனிஷ் கிரி, சுலோவேனியாவின் விளாடிமிர் பெடோசீவ், இந்தியாவின் குகேஷ், தலா 6.5 புள்ளிகளுடன் 8வது இடத்தை பிடித்தனர். பிரக்ஞானந்தா (5.5) 11வது இடம் பிடித்தார். அரவிந்த் சிதம்பரம், அர்ஜுன் தலா 4.5 புள்ளிகளுடன் 12வது இடத்தை பிடித்தனர்.
புரோ மல்யுத்த லீக்5வது சீசன் இந்தியாவில் நடந்தது.6 அணிகள் பங்கேற்றன.உ.பி.,யில் உள்ள நொய்டாவில் நடந்த பைனலில் ஹரியானா தண்டர்ஸ், டில்லி டங்கல் அணிகள் மோதின.டில்லி அணி, முதல்7 போட்டி முடிவில்4ல் வென்று ஹரியானாவை(3) முந்தியது.8வது போட்டியில் ஹரியானா வெற்றி பெற, ஸ்கோர் 4-4 என ஆனது. முடிவில் ஹரியானா 5-4 என ' வெற்றி பெற்று சாம்பியன் ஆனது. ரூ.1.5 கோடி பரிசு பெற்றது.
'பயர் ஓபன்' சர்வதேச ஸ்குவாஷ் தொடர் அமெரிக்காவின் வாஷிங்டனில் பெண்களுக்கான பைனலில், உலகின் 'நம்பர் -31' இந்தியாவின் அனாஹத் சிங்17. உலகின்'நம்பர்-10' இங்கிலாந்தின் ஜார்ஜினா கென்னடி28,மோதினர்.அனாஹத்3,0(1210,11-,5,117) என்ற கணக்கில் வெற்றி பெற்று, சாம்பியன் பட்டத்தை கைப்பற்றினார். டில்லியை சேர்ந்த அனாஹத், சீனியர் பிரிவில் தனது 15வது பட்டம் வென்றார்.
கடந்த2025ல் இந்திய ஹாக்கி அணி, சிறப்பாக செயல் படவில்லை. புரோ லீக் தொடரில்16 போட்டியில்10 புள்ளி மட்டும் பெற்று, வெளியேறியது. உலக கோப்பைக்கு(வரும் ஆக.14,30, பெல்ஜியம், நெதர்லாந்து) நேரடியாக தகுதி பெறும் வாய்ப்பை இழந்தது.ஐதராபாத்தில் நடக்க உள்ள உலக கோப்பை தகுதிச்சுற்றில்,புதிய பயிற்சியாளர் மரிஜ்னே தலைமையில்(மார்ச்8,14) பங்கேற்க உள்ளது.இதில் இங்கிலாந்து, ஸ்காட்லாந்து உள்ளிட்ட 8 அணிகள் பங்கேற்க உள்ளன. இதில் உலக கோப்பை தொடருக்கு 'டாப்-3' இடம் பெறும் அணிகள் முன்னேறும். விளையாட்டில் ஏற்ற, இறக்கம் சகஜம் தான். கடந்த ஆண்டு எங்களுக்கு மோசமாக அமைந்தது. வீராங்கனைகளிடம் போதிய உடற்தகுதி ('பிட்னஸ்') இல்லாதது தான் முக்கிய காரணம். 'பிட்னஸ்' சரியாக இருந்ததால் தான், டோக்கியோ ஒலிம்பிக்கில் 4வது இடம் பெற்றோம்.மீண்டும் தற்போது சறுக்கி விட்டோம். உலக கோப்பை தகுதிச்சுற்று மிக முக்கியம் என்பதை அனைவரும் அறிந்துள்ளனர். இதில் வெற்றி பெற்று, உலக கோப்பைக்கு தகுதி பெறுவோம் என்ற நம்பிக்கை உள்ளது. தவிர அடுத்து வரும் ஆசிய விளையாட்டிலும் சிறப்பாக செயல்பட முயற்சிப்போம் என்று கோல்கீப்பர் சவிதா 35, கூறினார்.
'பிபா' சார்பில் பெண்களுக்கான சாம்பியன்ஸ் கோப்பை கிளப் கால்பந்து முதல் சீசன், லண்டனில் நடந்த பைனலில் ஆர்சனல் (இங்கிலாந்து), கொரிந்தியன்ஸ்(பிரேசில்) அணிகள் மோதின. ஆட்ட நேர முடிவில் போட்டி2,2 என சமநிலையில் இருந்தது. ஆர்சனல் அணி 3-2 என்ற கோல் கணக்கில் வெற்றி பெற்று, சாம்பியன் பட்டத்தை கைப்பற்றியது.
சர்வதேச டென்னிஸ் போட்டியில் சிறந்து விளங்கும் வீரர்களுக்கான தரவரிசை பட்டியலை ஏ.டி.பி., வெளியிட்டது.ஆஸ்திரேலிய ஓபனில் முதன்முறையாக கோப்பை வென்ற ஸ்பெயினின் கார்லஸ் அல்காரஸ், ஒற்றையர் பிரிவில், முதலிடத்தை தக்கவைத்துக் கொண்டார். இத்தாலியின் ஜானிக் சின்னர் 2வது இடத்தில் நீடிக்கிறார்.ஆஸ்திரேலிய ஓபனல் பைனல் வரை சென்று 2வது இடம் பிடித்த செர்பியாவின் நோவக் ஜோகோவிச், 4 வது இடத்தில் இருந்து 'நம்பர் -3' இடத்தை கைப்பற்றினார்.
மாஸ்டர்ஸ் சர்வதேச பேட்மிண்டன் போட்டி தாய்லாந்து பாங்காக்கில் நேற்று பெண்கள் ஒற்றையர் இறுதி ஆட்டத்தில் இந்திய இளம் வீராங்கனை தேவிகா சிஹாக், மலேசியாவின் கோ ஜின் வெய்யை சந்தித்தார். அபார ஆட்டத்தை வெளிப்படுத்திய இந்தியாவின் தேவிகா 21-8, 6-3 என்று முன்னிலையில் இருந்த போது, 2 முறை ஜூனியர் உலக சாம்பியனான ஜின் வெய் தசைப்பிடிப்பால் பாதியில் விலகினார். இதையடுத்து தேவிகா வெற்றி பெற்று சாம்பியன் பட்டத்தை வென்றார். அவருக்கு ரூ.17 லட்சம் பரிசுத்தொகையாக வழங்கப்பட்டது. தேவிகா பேட்மிண்டன் உலகதரவரிசையில் 63-வது இடத்தில் உள்ளார் .
