நயன்தாராவுக்கு 60 அடி உயர கட் அவுட்.
சுந்தர் சி இயக்கத்தில் நயன்தாரா, ரெஜினா, துனியா விஜய் உள்ளிட்டோர் நடித்துள்ள படம் 'மூக்குத்தி அம்மன் 2'. தற்போது இதன் டிரைலர், 'வேர்ல்டு ஆப் மகாசக்தி' என்ற பெயரில் வெளியாகியுள்ளது. இதில் நயன்தாரா பயந்த சுபாவம் கொண்ட பெண் போலீஸ் மற்றும் அம்மன் என இருவேறு பரிமாணங்களில் நடித்துள்ளார். ரெஜினா மற்றும் துனியா விஜய் ஆகியோர் தீய சக்திகளாக வில்லத்தனமான வேடங்களில் நடித்துள்ளனர். நிகழ்காலம் மற்றும் சரித்திரம் கலந்த படமாக உருவாகியுள்ள இப்படம், தீபாவளியை முன்னிட்டு நவம்பர் 6ல் ரிலீஸாகிறது.
இப்படத்திற்காக சென்னையில் உள்ள வேல்ஸ் தியேட்டரில் நயன்தாராவுக்கு 60 அடி உயர கட்அவுட் வைக்கப்பட்டுள்ளது. தமிழில் ஒரு நடிகைக்கு இவ்வளவு பெரிய கட்அவுட் வைப்பது இதுவே முதல் முறை எனக் கூறப்படுகிறது. இப்படத்தில் ரெஜினா கசாண்ட்ரா, துனியா விஜய், ஊர்வசி, யோகி பாபு உள்ளிட்டோர் நடித்துள்ளனர்.
0
Leave a Reply