25 YEARS OF EXCELLENCE
Weather: -
Sunday Aug 02, 2026
06:16:47am
Weather: -
Sunday Aug 02, 2026
06:16:47am
.வெண்டி விதை நேர்த்தி செய்து, விதைகளை நடவு செய்ய வேண்டும். பையில் உள்ள ஊடகத்தின்(மண் அல்லது காயர் கம்போஸ்ட்) மீது விரலில் குழியெடுத்து விதைகளை ஊன்ற வேண்டும். ஒரு குழியில் இரண்டு விதைகள் ஊன்றலாம். நடவு செய்த ஒரு வாரத்தில் விதைகள் முளைக்கத் துவங்கும். பத்து நாள்களில் நன்றாக முளைத்துவிடும். அந்தச் சமயத்தில் ஒவ்வொரு குழியிலும் நன்றாக வளர்ந்துள்ள ஒன்று அல்லது இரண்டு செடியை மட்டும் வைத்துக்கொண்டு, ஒரு செடியைப் பிடுங்கி எடுத்துவிட வேண்டும். ஒரு பையில் ஒரு செடியை மட்டும் வைப்பது சிறந்தது. பெரிய பையாக இருந்தால் இரண்டு செடிகள் இருக்கலாம். அதற்கு மேல் அதிக எண்ணிக்கையில் ஒரே பையில் செடிகள் இருக்கக் கூடாது. நடவு செய்த30 முதல்35ம் நாள்களுக்குள் பூவெடுக்கத் தொடங்கும். அந்த நேரத்தில்10 லிட்டர் தண்ணீருக்கு300 மில்லி பஞ்சகவ்யா என்ற கணக்கில் கலந்து தெளிக்க வேண்டும்.30ம் நாள் முதல்15 நாள்கள் இடைவெளியில் தொடர்ந்து பஞ்சகவ்யாவைப் பயன்படுத்தலாம். தொடர்ந்து பஞ்சகவ்யாவைக் கொடுத்துவந்தால், இலைகள் அதிகமாக உருவாகும். அதிகப் பூக்கள் பூக்கும். பூவெடுத்ததிலிருந்து ஏழு நாள்களில் காய் உருவாகத்தொடங்கும். பிறகு ஒன்றரை நாள் இடைவெளியில் அறுவடைக்கு வரும். ஒருநாள் விட்டு ஒருநாள் காய் பறிக்கலாம்.வெண்டைக்காயைப் பிஞ்சாக இருக்கும்போது பறிக்கக் கூடாது. அதேபோல முற்றிய காயையும் பறிக்கக் கூடாது. சரியான முதிர்ச்சி அடையாத பிஞ்சுக்காய்களைத் தொடர்ந்து பறித்தால்100 நாள்கள் மகசூல் கொடுக்க வேண்டிய பயிர்,80 நாள்களில் தனது மகசூலை நிறுத்திக்கொள்ளும். வெண்டைக்காயின் கொண்டைக்கு மேலே, இரண்டு முதல் மூன்று அங்குல உயரத்தில் இருக்கும் காய்களைப் பறிப்பதுதான் சிறந்தது.வெண்டைக்காயைத் தாக்கும் பூச்சிகளில் சாறு உறிஞ்சும் பூச்சி, அசுவினி, தத்துப்பூச்சி, வெள்ளை ஈ, செந்நாவாய் பூச்சி ஆகியவை முக்கியமானவை. அசுவினித் தாக்குதலுக்கு உள்ளான இலையின் அடிப்பாகம் சுருங்கியதுபோல இருக்கும். விளிம்பு மடங்கத் தொடங்கும். தத்துப்பூச்சித் தாக்குதல் இருந்தால் இலை மஞ்சள் நிறமாக மாறி, பிறகு பழுப்பு(பிரவுன்) நிறத்துக்கு மாறும். இலை, தீயில் வாட்டியதுபோலக் காணப்படும். இந்த இரண்டு பூச்சிகளையும் தடுக்க 5 சதவிகித வேப்பங்கொட்டைக் கரைசல் தெளிக்கலாம். நடவு செய்த20ம் நாள் முதல் ஒவ்வொரு25 நாள் இடைவெளியில் சாகுபடிக்காலம் முடியும் வரை வேப்பங்கொட்டைக் கரைசலைத் தெளித்து வர வேண்டும்.வெண்டைக்காயைத் தாக்கும் மற்றொரு பூச்சி வெள்ளை ஈ. இது ஒருவகையான வைரஸ் கிருமியைப் பரப்பும்.இலை மஞ்சள் நரம்பு நச்சுயிரி நோய்’ என அதற்குப் பெயர். இந்த நோய் தாக்கப்பட்ட இலை முழுவதும் மஞ்சள் நிறமாகிவிடும். வெண்டி சாகுபடியில் அதிக பிரச்னையாக இருப்பது இதுதான். இதனால், அதிகளவில் மகசூல் பாதிப்பு ஏற்படும். இலை மஞ்சள் நரம்பு நோய் தாக்கிய இலைகளில் ஒளிச்சேர்க்கை நடைபெறாது. அதனால், செடிகளுக்கு உணவு கிடைக்காது. இந்த நோய்க்கு மருந்து கண்டுபிடிக்கப்படவில்லை. ஆனால், அந்த நோயைப் பரப்பும் ஈயை வேப்பெண்ணெய் கரைசல் மூலம் கட்டுப்படுத்தலாம். இருபது நாள்கள் இடைவெளியில் தொடர்ந்து5 சதவிகித வேப்பெண்ணெய்க் கரைசல் பயன்படுத்தி வந்தால், அசுவினி, தத்துப்பூச்சி, வெள்ளை ஈ இவை மூன்றையும் கட்டுப்படுத்தலாம். இலை மஞ்சள் நரம்பு நச்சுயிரி நோய் தாக்காத சில கலப்பின ரகங்களைச் சாகுபடி செய்வதன் மூலமும் இந்த நோயிலிருந்து வெண்டைச் செடியைக் காப்பாற்றலாம். செடியில் பூ உருவாகி, காய்கள் தோன்றும் நேரத்தில்தான் இலைகளில்`குளோரோஃபில்' அளவு அதிகமாக இருக்கும். அந்த நேரத்தில்தான் வெள்ளை ஈ வருகை இருக்கும். இந்த ஈ, பெரும்பாலும் களைச்செடிகளில்தான் இருக்கும். அதனால், பூவெடுக்கும் நேரத்தில் மாடித்தோட்டத்தில் களைச்செடிகள் இல்லாமல் பார்த்துக்கொள்வது அவசியமானது.வெண்டைக்காயில் காய்ப்புழுத்தாக்குதலும் இருக்கும். காய்ப்புழுத் தாக்குதலுக்குள்ளான வெண்டைக்காய்கள் வளைந்து, எட்டுபோல, அரைவட்டமாக வடிவம் மாறிக் காணப்படும். காய்களில் துளைகளும் இருக்கும். தாய் அந்துப்பூச்சி, இலையின் குருத்துகள், பூவிலிருந்து முளைக்கும் பிஞ்சுகளில் முட்டை போட்டுவிடும்.அதிலிருந்து வெளிவரும் புழுக்கள், தண்டின் உள்ளே போய், விதை உருவாகும் இடத்தில் உள்ள சதைகள் மற்றும் விதைகள் முழுவதையும் சாப்பிட்டுவிடும். தண்டுப்புழு மற்றும் காய்ப்புழு என அழைக்கப்பட்டாலும் இரண்டும் ஒரே புழுதான். டிரைக்கோகிரம்மா கைலானிக் முட்டை ஒட்டுண்ணி பயன்படுத்துவதன் மூலம் இதை கட்டுப்படுத்தலாம். வெண்டைக்காய்ச் சாகுபடி செய்யும் இடங்களில், மக்காச்சோளம் நடவு செய்தால் பூச்சிகளின் நடமாட்டத்தைக் கட்டுப்படுத்தலாம். வெண்டைக்காயைத் தாக்கும் மற்றொரு நோய்,இலைச் சாம்பல் நோய்’. இந்நோய்த் தாக்குதலுக்குள்ளான செடிகளின் இலைகள், வெள்ளை நிறத்துக்கு மாறிவிடும். குளிர்காலங்களில் இந்நோய்த் தாக்குதல் இருக்கும். இதைக் கட்டுப்படுத்த திரவ வடிவ டிரைக்கோடெர்மாவிரிடி அல்லது சூடோமோனஸ் தெளிக்கலாம். மேலே சொன்னவை பொதுவான மேலாண்மைக்கான ஆலோசனைகள். ஆனால், நான் ஏற்கெனவே சொன்னதுபோல வேப்பெண்ணெய் கரைசலை வாரம் ஒருமுறை தொடர்ந்து பயன்படுத்தி வந்தால் பெரும்பாலான பூச்சி, நோய் தாக்குதலிலிருந்து பயிர்களைப் பாதுகாத்து விடலாம். வெண்டை வீட்டுத்தோட்டத்தில் இருக்க வேண்டிய பயிர். தொடர்ந்து உணவில் பயன்படுத்தி வந்தால் சர்க்கரை நோய், இருதய நோய் உள்ளிட்ட பல வியாதிகளுக்கு நிவாரணம் அளிக்கும். இதில் உள்ள செறிவூட்டப்பட்ட நார்ச்சத்து மற்றும் புரதம் ஆகியவை பல்வேறு அற்புதங்களைச் செய்யும் ஆற்றல் கொண்டவை.
ரோஜா செடி வளர்ப்பு பெரும்பாலும் அனைவரின் இல்லங்களில் அதிகரித்து காணப்படுகிறது. வீட்டு தோட்டம், மாடி தோட்டம் வைத்திருப்பவர்கள் கண்டிப்பாக ரோஜா செடியை விதவிதமாக வாங்கி வளர்த்து வருகிறார்கள். இதில் ஒரு கிளையிலேயே நிறைய பூக்கள் பூக்கக்கூடிய தன்மை உண்டு. ஆனால் அதற்கு சரியான ஊட்டச்சத்து தேவை. பத்து பைசா செலவு செய்யாமல் ரேஷன் கோதுமையிலிருந்து வளர்ச்சியூக்கி உரம் தயாரிப்பது எப்படி?. ரேஷன் கோதுமையில் ஏராளமான ஊட்டச்சத்துக்கள் உண்டு. பொதுவாக எல்லா விதமான கோதுமையிலும் உள்ள சத்துக்கள் வளர்ச்சி ஊக்கியாக நுண்ணுயிரிகளை பெருக்க செய்யக்கூடிய அற்புதமான தன்மையை கொண்டு விளங்குகிறது. நாம் ரேஷன் கடையிலிருந்து வாங்கி வைத்திருக்கும் கோதுமையில் இருந்து ஒரு கப் அளவிற்கு எடுத்தாலே 10 செடிகளுக்கு மேலே கொத்து கொத்தாக பூக்களை பூக்க செய்யக்கூடிய உரத்தை தயாரித்து விடலாம்.ஒரு கப் அளவிற்கு கோதுமையை எடுத்துக் கொள்ளுங்கள். நன்கு சுத்தம் செய்துவிட்டு தண்ணீர் ஊற்றி5 மணி நேரம் ஊற விட்டு விடுங்கள். பிறகு மிக்ஸியில் போட்டு நைசாக அரைத்து எடுத்துக் கொள்ளுங்கள். அரைத்து எடுத்த இந்த விழுதுடன் சம அளவிற்கு நாட்டு சர்க்கரை அல்லது மண்டை வெல்லம் போட்டு கரைத்து வைத்துக் கொள்ளுங்கள். கரைத்து வைத்த இந்த கரைசல் ஒரு வாரம் வரை புளிக்க வேண்டும். புளித்து, நுரைக்க ஆரம்பித்தால் அதில் ஏராளமான நுண்ணுயிரிகள் பெருக துவங்கும். இந்த நுண்ணுயிரிகள் தான் நம்முடைய மண்ணை வளமாக்க செய்கிறது. மண் வளமாகும் பொழுது வளர்ச்சி ஊக்கியாக செடிகளுக்கு அது செயல்படுகிறது. மண்புழுக்கள் உற்பத்தியை இது தூண்டி விடுகிறது. நீங்கள் தயார் செய்து வைத்துள்ள இந்த புளித்த கரைசல் அரை லிட்டர் அளவிற்கு எடுத்தால் அதனுடன்5 லிட்டர் அளவிற்கு சாதாரண தண்ணீர் சேர்த்து கலந்து கொள்ள வேண்டும்.ஒரு லிட்டர் கரைசலுக்கு10 லிட்டர் தண்ணீர் நீங்கள் சேர்க்க வேண்டும். அப்பொழுது தான் செடிகளுக்கு அது நல்ல ஒரு உரமாக அமையும். நேரடியாக அப்படியேஊற்றி விடக்கூடாது எல்லாவிதமான ரோஜா செடிகளுக்கும் இந்த உரத்தை நீங்கள் பயன்படுத்தலாம்..15 நாட்களுக்கு ஒரு முறை எல்லா விதமான செடிகளுக்கும் தயார் செய்து வைத்துள்ள உரத்துடன் தண்ணீர் சேர்த்து அரை லிட்டர் அளவிற்கு மட்டும் செடிகளின் வேர்களில் உரமாக ஊற்ற வேண்டும். ரோஜா செடி மட்டும் அல்ல காய், கனி செடிகளுக்கும் இந்த உரத்தை நீங்கள் தாராளமாக பயன்படுத்தலாம்.பன்னீர் ரோஜா, காஷ்மீர் ரோஜா, பட் ரோஸ், பட்டன் ரோஸ் என்று எல்லாவிதமான ரோஜா செடிகளுக்கும் இந்த உரத்தை கொடுத்து வந்தால் கொத்து கொத்தாக கிளை முழுவதும் பூக்களாக பூத்து தள்ளும். அந்த அளவிற்கு நல்ல ஒரு வளர்ச்சியூக்கியாக செயல்படும். ரோஜா செடிகளில் போதிய அளவிற்கு சூரிய வெளிச்சம் படுமாறு பாதுகாக்க வேண்டும்.அதிகம் வெயில் இருக்கும் நேரங்களில் கூடுதலாக தண்ணீர் தெளிக்க வேண்டும். பாதிக்கப்பட்ட கிளைகளை அல்லது இலைகளை, பூக்களை அவ்வபொழுது கத்தரித்து எறிய வேண்டும். ஒருமுறை கிளையில் நன்கு பூ பூத்து விட்டால் அந்த பூவை அப்படியே விட்டு விடக்கூடாது, பறித்து விட வேண்டும். இப்படி நீங்கள் உங்களுடைய செடிக்கு பராமரிப்பு கொடுத்து பாருங்கள், உங்க வீட்டு ரோஜா செடியும் மலர்ந்து தள்ளும்.
புதுமையான விவசாய அணுகுமுறைமூலம்பிரதீப் குமார் திவேதியின்40,000 விவசாயிகளுக்கு அதிகாரம் அளித்துள்ளது, குயினோவா, மோரிங்கா மற்றும் சியா போன்ற பயிர்கள் மூலம் வருமானத்தை அதிகரிக்கிறது. அவரது ஆண்டு வருமானம் ரூ.48 கோடி பயிர் சாகுபடி மற்றும் மதிப்பு கூட்டப்பட்ட பொருட்கள் மூலம் வருகிறது.உத்தரபிரதேச மாநிலம் அலகாபாத்தைச் சேர்ந்த45 வயதான முற்போக்கு விவசாயி பிரதீப் குமார் உணவு அறிவியலில் பி.டெக் மற்றும் கான்பூரில் உள்ள எச்.பி.டி.ஐ.யில் இருந்து கெமிக்கல் இன்ஜினியரிங்கில் எம்.டெக்., அவரது கல்விப் பின்னணி அவரது வாழ்க்கைப் பாதையைப் போலவே ஈர்க்கக்கூடியது. உணவு, மருந்துகள், கெமிக்கல்ஸ், மூலிகை மற்றும்FMCG போன்ற தொழில்களில்R&D,ProductEngineering,QA,QC மற்றும் திட்ட மேலாண்மை ஆகியவற்றில்26 ஆண்டுகளுக்கும் மேலான அனுபவத்துடன், பிரதீப்பின் பயணம் புதுமைக்கான ஆழ்ந்த அர்ப்பணிப்பு மற்றும் நிலைத்தன்மைக்கான ஆர்வத்தை பிரதிபலிக்கிறது.அவர் நீண்ட காலமாக கார்ப்பரேட் உலகில் பணிபுரிந்தார், அதில் அவர் தனது எதிர்காலத்தை கேள்விக்குள்ளாக்கினார். புகழ்பெற்ற பன்னாட்டு நிறுவனங்களில் புகழ்பெற்ற தொழிலில், அவர் எவ்வளவு காலம் இந்த வழியில் வேலை செய்ய முடியும் மற்றும் இன்னும் எவ்வளவு காலம் தொடரலாம் என்று யோசிக்க ஆரம்பித்தார். இறுதியில், அவர் ஒரு ரிஸ்க் எடுக்க முடிவு செய்தார்,2010 இல் தனது வேலையை விட்டுவிட்டு, இயற்கை விவசாயத்தில் கவனம் செலுத்தினார். ஃபதேபூர் மாவட்டத்தில் மொத்தம்300 ஏக்கர் நிலத்தில் விவசாயம் மற்றும் ஒப்பந்த விவசாயத்தை தொடங்கினார். இந்த முயற்சி ஒரு வலுவான கல்வி மற்றும் தொழில்முறை பின்னணியில் நிறுவப்பட்டது.தென் அமெரிக்காவில் உள்ள பெருவுக்குச் செல்லும் வாய்ப்பு பிரதீப்பிற்கு கிடைத்தது. அவரது விஜயத்தின் போது, அவர் குயினோவாவை கண்டுபிடித்து இந்திய விவசாயிகளுக்கு அறிமுகப்படுத்த முடிவு செய்தார். அவர் ஃபதேபூரில் உள்ள பஹுவா கிராமத்தில் நான்கு விவசாயிகளுடன் குயினோவாவைத் தொடங்கினார், குயினோவா சாகுபடியின் லாபத்தை விளக்கினார். ஆரம்பத்தில் விவசாயிகளை நம்பவைத்து வாங்குபவர்களைக் கண்டுபிடிப்பது எளிதான வேலையாக இல்லை, ஆனால் அவரது விடாமுயற்சி பலனளித்தது. இன்று, அவர் ஆறு மாநிலங்களில்40,000 விவசாயிகளுடன் குயினோவா, சியா விதைகள், முள்ளங்கி, முருங்கை, ஆளிவிதைகள் மற்றும் பலவற்றை பயிரிடுகிறார்.விவசாயிகளுக்கு விதைகள், தொழில்நுட்ப உதவிகள் மற்றும் அறுவடைக்குப் பிந்தைய செயலாக்கம் ஆகியவற்றை வழங்குவதன் மூலம் விவசாயிகளுக்கு ஆதரவளிப்பதே அவரது வணிக உத்தியின் அடிப்படையாகும். விவசாயிகளிடமிருந்து நேரடியாக பொருட்களை வாங்குவதன் மூலமும் விற்பனையை தானே நிர்வகிப்பதன் மூலமும் சந்தை அணுகலின் முக்கியமான சிக்கலை அவர் சமாளிக்கிறார். கொத்து அடிப்படையிலான விவசாயத்தை ஊக்குவிப்பதன் மூலம், அவரது கூட்டுறவு அணுகுமுறை செயல்திறனை அதிகரிக்கிறது மற்றும் கூட்டு பேரம் பேசும் திறனை அதிகரிக்கிறது.பிரதீப்பின்R&D குழு விவசாயப் பொருட்களின் மதிப்பு கூட்டல் பணிகளில் ஈடுபட்டு வருவதால் அவற்றின் சந்தை மதிப்பு கணிசமாக உயர்ந்துள்ளது. அவரது குழு, உடனடி கரும்பு சாறு என்ற புதுமையான தயாரிப்பை உருவாக்கியுள்ளது. உடனடி தூளில் இருந்து கரும்பு சாற்றை உட்கொள்ளும் புதுமையான வழிகளில் ஒன்று, அதை தண்ணீரில் கலந்து, இரசாயனங்கள் இல்லாமல் ஆண்டு முழுவதும் உட்கொள்ளலாம்.அவர் தனது பயணத்தை ஆண்டுதோறும் 5 லட்சம் விற்றுமுதலுடன் இன்று தொடங்கினார், இப்போது அவரது வணிகம் சுமார்48 கோடி வர்த்தகத்தை கொண்டுள்ளது. அவரது முயற்சியின் விளைவாக நொய்டாவில் குயினோவா பால் ஆலை நிறுவப்பட்டது, இது விவசாயிகளின் வருமானத்தை அதிகரிப்பதற்கான முதல் முயற்சியாகும்.இந்திய அரசின் வேளாண்மை அமைச்சகத்தின்ICAR வழங்கும் சிறந்த தொழில்முனைவோர் விருது.(2016).உ.பி. அரசாங்கத்தின் விவசாய அமைச்சகத்தால் இயற்கை வேளாண்மைக்கான சிறந்த விவசாயி விருது.(2017).இந்திய அரசின் உணவு பதப்படுத்துதல் அமைச்சகத்தின் சிறந்த புதுமையான ஆர்கானிக் தயாரிப்பு உற்பத்தி விருது. (2018).இந்திய அரசாங்கத்தின் உணவு பதப்படுத்துதல் அமைச்சகத்தால் உணவு பாதுகாப்பு விருது.(2018) என்ற சிறந்த ஆர்கானிக் பணப்பயிர்.சமூக நீதி மற்றும் அதிகாரமளித்தல் அமைச்சகத்தின் சிறந்த இயற்கை விவசாயி விருது. (2021).பிரதீப் பல்வேறு மூலிகைகள் மற்றும் கரிம உணவுகள் குறித்து கிட்டத்தட்ட155 சர்வதேச ஆய்வுக் கட்டுரைகளை வெளியிட்டுள்ளார். குயினோவாவை பயிரிடுவதன் மூலம் இந்தியாவில் உணவுப் பாதுகாப்பு என்ற புத்தகத்தை அவர் எழுதியுள்ளார், இது குயினோவா ஒரு நிலையான பயிராக இருப்பதைப் பற்றிய சில நுண்ணறிவுகளை வழங்குகிறது.விவசாயிகளுக்கு பிரதீப்பின் செய்தி எப்பொழுதும் பல பயிர்கள் மற்றும் அதிக தேவையுள்ள குயினோவா மற்றும் மோரிங்கா போன்ற பயிர்களை கொண்டு வர வேண்டும், அரசு மற்றும் தனியார் துறை ஆதரவு அமைப்புகளுடன் பொறுமையாக இருக்க வேண்டும், மீதமுள்ளவை குறைந்தபட்ச சாத்தியமான தயாரிப்புகள் அல்லதுMVP களை உருவாக்குவது பற்றியது. அவற்றை வைத்து இவற்றில் தேர்ச்சி பெறுகிறது.பிரதீப் குமார் த்விவேதியின் கார்ப்பரேட் நிபுணரிலிருந்து கரிம முன்னோடிக்கான பாதை படைப்பாற்றல் மற்றும் அர்ப்பணிப்பின் கதை. அவரது முயற்சிகள் ஆயிரக்கணக்கான விவசாயிகளின் வாழ்க்கையை மேம்படுத்துவதோடு, நீடித்த விவசாயம் மற்றும் உணவுப் பாதுகாப்பின் இந்தியாவின் பெரிய நோக்கங்களை முன்னேற்றுகின்றன.
வீட்டு தோட்டம் வைத்திருப்பவர்கள் அனைவருமே வைக்க வேண்டிய முக்கியமான செடியாக இந்த கத்திரிக்காயை சொல்லலாம். ஒரே ஒரு கத்திரிக்காய் செடியாவது வீட்டில் வளர்த்தால் நம்முடைய தேவைக்கு கடைகளில் வாங்காமல் பயன்படுத்திக் கொள்ளலாம். கத்திரிக்காய் விதைகளை நாம் நடவு செய்வதற்கு முன்பாக விதைகளை உரத்தில் ஊற வைக்க வேண்டும். உங்களிடம் உரம் ஏதும் கைவசம் இல்லை என்றால், மோரை நன்றாக புளிக்க வைத்து அதில் விதைகளை ஒரு மணி நேரம் வரை ஊற விட்டு அதன் பிறகு எடுத்து நடவு செய்யும் போது செடிகள் நன்றாக வளர ஆரம்பிக்கும்.இந்த கத்திரிக்காய் செடியானது வளர அதிக இடம் தேவைப்படும். எனவே அதை சுற்றிக் பரவலாக இடமிருந்தால் நன்றாக படர்ந்து வளரும். அதே சமயம் கத்திரிக்காய் செடியில் இலைகள் அதிகம் இருந்தாலும் காய்கள் அதிகம் வைக்காது. இதில் பழுத்த இலைகள் அல்லது தேவையில்லாமல் செடியின் அடிப்பகுதியில் இருக்கும் இலைகளை எல்லாம் அவ்வப்போது நாம் எடுத்து விட வேண்டும். இதன் மூலம் சத்துக்கள் வீணாகாமல் அதிகமாக காய் வைக்கும். அதே போல கத்திரிக்காய் செடிகளை ஓரளவிற்கு வெயில் படும் இடத்தில் வைத்தாலே நல்ல விளைச்சலை பார்க்க முடியும். அடுத்து இந்த செடிகளுக்கு உரமாக நம் வீட்டு கிச்சன் கழிவுகளை கம்போஸ்டாக மாற்றி கொடுக்கலாம். இத்துடன் மீன் அமிலம் சேர்த்து கொடுக்கும் பொழுது செடிகள் நன்றாக செழித்து வளரும். இவையெல்லாம் கொடுத்த பிறகும் செடியில் பூ வைத்து பூக்கள் உதிர்ந்தால் வாரம் ஒரு முறை பஞ்ச காவ்வியா தெளிக்கலாம். இதை செய்தாலும் வைக்கும் பூக்கள் அனைத்துமே கண்டிப்பாக உதிராமல் காய் வைக்கும்.இந்த உரங்கள் ஏதும் உங்களிடம் இல்லை என்றால், கத்திரிக்காய் செடிகளுக்கு செலவே இல்லாத ஒரு அற்புதமான சத்து நிறைந்த உரத்தை நாமே தயார் செய்து விடலாம். அதற்கு புங்க மரத்து பூக்கள் அல்லது விதை இரண்டில் எது கிடைத்தாலும் எடுத்துக் கொள்ளுங்கள். இவைகளை நன்றாக நிழலில் காய வைத்து எடுத்து பவுடர் செய்து வைத்துக் கொள்ளுங்கள். இதை வாரம் ஒரு முறை செடிகளின் வேர்ப்பகுதியில் இந்த பொடியை தூவி மூடி விடுங்கள் போதும். இந்த உரத்தை தொடர்ந்து கொடுத்து வரும் பொழுது கத்திரிக்காய் செடி மரம் போல வளர்ந்து பெரிய பெரிய இலைகளுடன் அதிகமான பூ வைத்து கொத்து கொத்தாக காய்க்க தொடங்கி விடும்.கத்தரிக்காய் செடிகளை அதிக அளவு வைத்து வளர்ப்பவர்கள் இந்த செடிகளுக்கு அருகில் சாமந்தி செடியை வளர்த்தால் அந்தச் செடிகளின் மூலம் தேனீக்கள் அதிகமாக வந்து மகரந்த சேர்க்கை நடைபெறும். இதன் மூலம் பூக்கள் ஒன்று கூட உதிராமல் அனைத்துமே காய்க்கும்.
மரக்கன்றுகள் ஓரளவு வளரும் வரை அவற்றுக்குப் பாதுகாப்பு தேவை. வீட்டுத் தோட்டங்களில், நாம் வேலி அமைத்துக் காக்கிறோம். வீட்டுக்குள்ளே வளரும் செடிகள் என்றால் அவற் றின் மீது கண்ணாடிக் கூண்டை அமைத்தால், நல்ல சூரிய ஒளி கிடைக்கும். இதே முறையைக் காடுகளிலும் பின்பற்றலாம் என்று தாவரவியலாளர்கள் கண்டறிந்துள்ளனர்.பசிபிக் கடலில் அமைந்துள்ள குவாம், ரோடா தீவுகளில் மட்டுமே வளரக்கூடிய பெரிய மரம் யாந்தெஸ் நெல்சோனி (Serianthes nelsonii). இது ஓர் அருகிவரும் தாவரம். ரோடா தீவில் 121 மரங்கள் மட்டுமே உள்ளன. குவாம் தீவில் ஒரே ஒரு மரம் தான் உள்ளது. எனவே, இந்த இனத்தைக் காக்க விஞ்ஞானிகள் பெரிதும் முயன்று வருகின்றனர். இதன் கன்றுகளைத் தோட்டங்களில் செயற்கை ஒளியில் வளர்க்கும்போது நன்றாக வளர்கின்றன. ஆனால், வளர்ந்த பின்னர் காடுகளில் நட்டால் போதுமான சூரிய ஒளி கிடைக்காமல் பட்டுப் போய் விடுகின்றன.காடுகளில் செயற்கை ஒளியை உருவாக்க இயலாது. இதனால் விஞ்ஞானிகள் ஓர் எளிய முறை யைக் கையாண்டனர். செடி வளர்வதற்கு நடுவே இடம் விட்டு அதைச் சுற்றி அறுகோண வடிவில் கண்ணாடிகளைப் பதித்தனர். அவற்றின் மீது படும் சூரிய ஒளி செடிக்குப் போதுமான வெளிச்சத்தைத் தந்தது. கண்ணாடி பதிக்கப்படாத செடிகளைக்' காட்டிலும் இவை 175 சதவீதம் உயரமாக வளர்ந்தன. இந்த ஆய்வின் வாயிலாக அடர்ந்த காடுகளில் நடப்படும் மரக்கன்றுகளுக்குப் போதுமான சூரிய ஒளி கிடைக்கக் கண்ணாடிகளைப் பயன்படுத்தலாம் என்பது தெரியவந்துள்ளது.
நம் வீட்டில் வளர்க்கும் பூச்செடிகளாக இருந்தாலும், காய்கறி செடிகளாக இருந்தாலும், பழச்செடிகளாக இருந்தாலும் சரி, பூத்து, காய்த்து, கனிந்து, குலுங்கினால் தான் அந்த செடிகளுக்கு அழகு. பூக்காமல், காய்க்காமல், செழிப்பாக வளர்ந்தாலும், அந்த செடிகளைப் பார்க்கும்போது நமக்கு சின்ன மன வருத்தம் இருக்கத்தான் செய்யும். அந்த வரிசையில் உங்கள் வீட்டில் இருக்கும் மல்லிகைப் பூ செடி சீசனில் கூட பூக்கவில்லையா? முதலில் மல்லிகை பூச்செடியானது நிழலில் இருக்கக்கூடாது. நன்றாக வெயில் படும் இடத்தில் இருந்தால், அதில் அதிகப்படியான பூப்பூக்கும் என்பது குறிப்பிடத்தக்கது. உங்கள் பால்கனியில் மல்லிகை பூ செடி தொட்டி இருந்தாலும், அந்தச் செடி சிறிது நேரம், சூரிய வெளிச்சத்தில் நேரடியாக கட்டாயம் இருக்க வேண்டும். காலையில் அல்லது மாலையில் இந்த இரண்டு வேலைகளில் ஒருமுறையாவது உங்கள் செடியை, வெயிலில் வைக்க வேண்டும்.இரண்டாவதாக, மல்லிகை பூச்செடியாக இருந்தாலும், ரோஜா பூச்செடியாக இருந்தாலும், பூக்களே பூக்காமல் சில கிளைகள் நீண்டு வளர ஆரம்பிக்கும். குறிப்பாக ரோஜா செடிகளில் ஏழு இலைகள் கொண்ட கிளைகள் இப்படி வளர்வது வழக்கம். அதை எல்லாம் விட்டு விடுவோம் அல்லவா? அதேபோல் மல்லிகைப் பூ செடியிலும், பூ பூக்காமல், கிளைகள் உயரமாக வளர்ந்தால் அதை வெட்டி விட்டு விடுங்கள். செடிகளில் இருக்கக்கூடிய சத்தை தேவையில்லாமல் அந்த கிளை உறிஞ்சும் என்பது குறிப்பிடத்தக்கது.மூன்றாவதாக, மல்லிகைப்பூவை பரித்த பின்பு, அதற்கு கீழே சிறிய காம்பு இருக்கும் அல்லவா?. பூக்களை பறித்து பின்பு, அந்த கப் வடிவத்தில் காம்பு இருக்கும். அதையும் சேர்த்து வெட்டு விட்டீர்கள் என்றால், அந்த இடத்தில் சீக்கிரமாகவே மற்றொரு கிளை தழைத்து, அதில் சீக்கிரமாகவே பூ பூக்கும் என்பது குறிப்பிடத்தக்கது. அந்த அரும்பை வெட்டவில்லை என்றாலும், பூ பூக்கும். கொஞ்சம் தாமதம் எடுக்கும்.நான்காவதாக, மல்லிகைப்பூச் செடிகளுக்கு வெங்காய தோல் உரம் மிகவும் முக்கியமானது. இரண்டு கைப்பிடி அளவு, வெங்காயத் தோலை, ஒரு பிளாஸ்டிக் டப்பாவில் போட்டு, ஒரு லிட்டர் தண்ணீர் ஊற்றி, அந்த டப்பாவிற்கு மூடிபோட்டு, மூன்றிலிருந்து நான்கு நாட்கள் வரை ஊற வைத்து, அதன் பின் அந்தத் தண்ணீரை வடிகட்டி, ஒரு லிட்டர் அளவு நல்ல தண்ணீரோடு கலந்து செடிகளின் வேர் பகுதிகளிலும், செடிகளின் இலை, கிளை பகுதிகளிலும் ஸ்ப்ரே செய்து விட்டீர்கள் என்றால், செடி நன்றாக வளரும் நிறைய பூ பூக்கும்.இதேபோல், எலுமிச்சை பழத்தோல், ஆரஞ்சு பழத்தோலின், சத்து மல்லிகை பூச்செடிகளுக்கு அவசியம் தேவை. எலுமிச்சை பழ தோல்களையும், ஆரஞ்சு பழ தோல்களையும் துண்டு துண்டாக வெட்டி, ஒரு பிளாஸ்டிக் டப்பாவில் போட்டு, ஒரு லிட்டர் அளவு தண்ணீர் ஊற்றி ஊறவைத்து,5 நாட்கள் கழித்து, அந்த தண்ணீரை வடிகட்டி, ஒரு லிட்டர் நல்ல தண்ணீரோடு கலந்து, அதன் பின்பாக உங்கள் செடிகளுக்கு ஸ்பிரே செய்து விட வேண்டும் என்பது குறிப்பிடத்தக்கது. இந்தத் தண்ணீரை தாராளமாக சிறிய கப் அளவு வேர் பகுதிகளில் ஊற்றலாம்.வாரம் ஒருமுறை வெங்காயத் தோல் தண்ணீரை ஊற்றுங்கள். வாரம் ஒருமுறை ஆரஞ்சு பழத்தோல் தண்ணீரை ஊற்றுங்கள். இப்படி சின்ன சின்ன குறிப்புகளை பின்பற்றினாலே பூ பூக்காத மல்லிகை செடி கூட செழிப்பாக பூத்துக்குலுங்கும் என்பதில் சந்தேகமே இல்லை.
தனியா என்றும் அழைக்கப்படும் புதிய கொத்தமல்லி, இந்திய சமையலறைகளில் ஒரு முக்கிய மூலிகையாகும், அதன் நறுமண இலைகள் மற்றும் சமையலில் விரும்பப்படுகிறது அதை உங்கள் பால்கனியில் அல்லது சமையலறை தோட்டத்தில் எளிதாக வளர்க்கலாம்.கொத்தமல்லி பிரகாசமான, மறைமுக சூரிய ஒளியில் செழித்து வளரும். உங்கள் பால்கனியில் அல்லது சமையலறை தோட்டத்தில் தினமும் குறைந்தது4,6 மணிநேரம் சூரிய ஒளி கிடைக்கும் இடத்தைத் தேர்ந்தெடுக்கவும். நீங்கள் அதை வீட்டிற்குள் வளர்க்கிறீர்கள் என்றால், பானையை ஜன்னலுக்கு அருகில் வைக்கவும் அல்லது கூடுதல் வெளிச்சத்திற்கு விளக்குகளைப் பயன்படுத்தவும்.வேர்கள் வளர அனுமதிக்க குறைந்தபட்சம்6,8 அங்குல ஆழமான கொள்கலனைத் தேர்ந்தெடுக்கவும். நீர் தேங்குவதைத் தடுக்க வடிகால் துளைகள் இருப்பதை உறுதிப்படுத்திக் கொள்ளுங்கள், இது வேர் அழுகலுக்கு வழிவகுக்கும். நீங்கள் களிமண் பானைகள், பிளாஸ்டிக் கொள்கலன்கள் அல்லது பழைய வாளிகள் போன்ற மறுசுழற்சி செய்யப்பட்டபொருட்களையும் பயன்படுத்தலாம்.கொத்தமல்லி கரிம பொருட்கள் நிறைந்த நன்கு வடிகால் மண்ணை விரும்புகிறது. தோட்ட மண், உரம் மற்றும் மணல் ஆகியவற்றை சம பாகங்கள் கொண்ட பானை கலவையைப் பயன்படுத்தவும்.கொத்தமல்லி. விதைகளை சிறிது நசுக்கி இரண்டு பகுதிகளாக உடைத்து12to24 மணி நேரம் தண்ணீரில் ஊற வைக்கவும். இது முளைப்பதை மேம்படுத்துகிறது. விதைகளை மண்ணில் சமமாக பரப்பி, அரை அங்குல ஆழத்தில் மெல்லிய அடுக்கு மண்ணால் மூடவும்.விதைகளை விதைத்த பிறகு, மண்ணுக்கு மெதுவாக தண்ணீர் பாய்ச்சவும்,. அதிகப்படியான நீர்ப்பாசனம் பூஞ்சை நோய்களை ஏற்படுத்தும், எனவே மீண்டும் நீர்ப்பாசனம் செய்வதற்கு முன் மேல் மண் சிறிது உலர்ந்திருப்பதை உறுதி செய்யவும். சீரான விநியோகத்திற்கு ஒரு ஸ்ப்ரே பாட்டில் அல்லது நீர்ப்பாசன கேனைப் பயன்படுத்தவும்.விதைகள் முளைத்தவுடன்(சுமார்7,10 நாட்களில்),3,4 அங்குல இடைவெளியை பராமரிக்க நாற்றுகளை மெல்லியதாக மாற்றவும். இது கூட்ட நெரிசலைத் தடுக்கிறது மற்றும் ஒவ்வொரு தாவரத்திற்கும் போதுமான ஊட்டச்சத்துக்கள் மற்றும் சூரிய ஒளி கிடைப்பதை உறுதி செய்கிறது.கொத்தமல்லி செடிகளுக்கு அசுவினி மற்றும் வெள்ளை ஈ போன்ற பூச்சிகள் தாக்கும். பூச்சிகளைத் தடுக்க வேப்ப எண்ணெய் தெளித்தல் அல்லது சோப்பு நீர் போன்ற இயற்கை வைத்தியங்களைப் பயன்படுத்தவும். கூடுதலாக, நோயின் அறிகுறிகளைக் கவனித்து, பாதிக்கப்பட்ட இலைகளை உடனடியாக அகற்றவும்.விதைத்த3,4 வாரங்களுக்குள் செடிகள்4,6 அங்குல உயரம் இருக்கும் போது கொத்தமல்லி இலைகளை அறுவடை செய்ய ஆரம்பிக்கலாம். முதலில் வெளிப்புற இலைகளை வெட்டி, உட்புறம் அடுத்தடுத்த அறுவடைகளுக்கு வளர அனுமதிக்கவும். விதைகளை சேகரிக்கும் முன் முற்றிலும் உலர அனுமதிக்கவும்.தொடர்ச்சியான, ஒவ்வொரு2,3 வாரங்களுக்கும் கொத்தமல்லி விதைகளை விதைக்கவும். அறுவடை செய்யப்பட்ட தாவரங்களின் வேர்களை மண்ணில் மீண்டும் நடுவதன் மூலம் மறுசுழற்சி செய்யலாம், அவை விரைவில் புதிய தாவரங்களாக வளரும்.வீட்டில் கொத்தமல்லி வளர்ப்பது ஒரு பலன் தரும் அனுபவமாகும், உங்கள் விரல் நுனியில் புதிய, இரசாயனங்கள் இல்லாத மூலிகைகளை உங்களுக்கு வழங்குகிறது. குறைந்த முயற்சி மற்றும் சிறிய கவனிப்புடன், உங்கள் உணவில் ஆண்டு முழுவதும் கொத்தமல்லியின் சுவையை நீங்கள் அனுபவிக்க முடியும்.
இன்டோர் பிளான்ட்ஸ் என்றழைக்கப்படும் வீடுகளுக்குள்ளேயே வளர கூடிய தாவரங்கள் வீடு அல்லது வீட்டின் ஒரு அறையயை அலங்கரிக்கும் நோக்கங்களுக்காக, சுத்தமான காற்றை வழங்கி ஆரோக்கியத்தை மேம்படுத்த மற்றும் ஒட்டுமொத்த நல்வாழ்வை அதிகரிக்க உதவி கூடியவையாக இருக்கின்றன. அழகான வீட்டோடு சேர்த்து பால்கனி தோட்டத்தை அமைக்க வேண்டும் என்பது பலரது கனவாக இருக்கிறது. பலரும் வீட்டினுள் சிறிய அளவிலான செடிகளை வைத்து வளர்த்து வந்தாலும், சிலநேரங்களில் தங்களது பிஸியான வேலைகளுக்கு நடுவே அவற்றை முறையாக பராமரிக்க முடியாமல் சிரமப்படுகிறார்கள். பாம்பு செடி(SnakePlant): ஸ்னேக் பிளான்ட் என குறிப்பிடப்படும் பாம்பு செடியானது குறைந்த சூரிய வெளிச்சம் மற்றும் குறைந்த நீரை சார்ந்து எளிதில் உயிர்வாழும் தாவரமாகும். இந்த தாவரத்தை வளர்க்க வழக்கமான அடிப்படையில் பராமரிப்பது மற்றும் தண்ணீர் ஊற்றுவது தேவையில்லை. எனவே பிஸியாக இருக்கும் நபர்களுக்கு இந்த தாவரம் சிறந்த தேர்வாக அமைகிறது. இதனை வீட்டிற்குள் வைத்து வளர்ப்பதால் காற்று சுத்திகரிக்கப்படும்.மணி பிளான்ட்(MoneyPlant): பணத்தாவரம் என்றழைக்கப்படும் மணி பிளான்ட் வீடுகளில் வளர்க்க மிகவும் எளிதான இன்டோர் பிளான்ட் ஆகும். தொட்டிகள் முதல் பாட்டில்கள் வரை குறைந்த பராமரிப்புடன் இது எங்கும் வளரக்கூடியது. வாஸ்து மற்றும் ஃபெங் சுய்-ன் படி இந்த தாவரம் நல்ல அதிர்ஷ்டம் மற்றும் செழிப்பை தருவதாக நம்பப்படுகிறது.
நமது சமையலில் தாளிக்கும் போது சேர்க்கும், கறிவேப்பிலையின். மணம் மற்றும் சுவையினை கூட்டும் தன்மை காரணமாக இது சமையலில்பயன்படுத்தப்படுகிறது.பலரும் இதனை கடையில் வாங்கி செல்வதற்கு பதில் வீட்டிலேயே நாம் வளர்த்து கொண்டால் உபயோகப்படும் என்று எண்ணி அதனை வீட்டில் வளர்க்கிறார்கள். ஆரோக்கியமான வளர்ச்சி மற்றும் ஏராளமான இலைகளுக்கு, கறிவேப்பிலை செடிகளுக்கு சரியான ஊட்டச்சத்துக்கள் தேவை..மாட்டு சாணம், , அதிக நைட்ரஜன், கடற்பாசி உரங்கள், பசுமையான வளர்ச்சியை ஊக்குவிக்கிறது மற்றும் தாவர ஆரோக்கியத்தை மேம்படுத்துகிறது.கடுகு கேக் திரவ உரமானது NPK உள்ளடக்கம் நிறைந்த மற்றொரு கரிம விருப்பமாகும், குறிப்பாக கறிவேப்பிலை செடிகளுக்கு நன்மை பயக்கும்.வேப்பம் பிண்ணாக்கு உரம் மண்ணின் சத்துக்களை வளப்படுத்துகிறது மற்றும் இயற்கைபூச்சிக்கொல்லியாக செயல்படுகிறது, அத்தியாவசிய ஊட்டச்சத்துக்கள் மற்றும் வளர்ச்சி-கடற்பாசி உரம் வழங்குகிறது.ஹார்மோன்களை ஊக்குவிக்கிறது, கறிவேப்பிலைச் செடிகளில் ஆரோக்கியமான மற்றும் புதர் நிறைந்த இலைகளை மேம்படுத்துவதற்கு மோர் ஒரு சிறந்த டானிக் ஆகும்.மோர் மிகவும் புளிப்பு இல்லாமல் மற்றும் இன்னும் குடிக்க ஏற்றது என்பதை உறுதிப்படுத்தவும்.கறிவேப்பிலை தாவரங்கள் சிட்ரஸ் குடும்பத்தைச் சேர்ந்தவை, எனவே அவை அமில மண்ணில் செழித்து வளரும்.ஒரு லிட்டர் தண்ணீரில் நான்கில் ஒரு பங்கு மோர் கலந்து இந்த கலவையை மண்ணில் கொடுக்கவும்..பெருங்காயம் மற்றும் புளித்த இட்லி மாவினை ஒன்றாக கலந்து செடியில் ஊற்றலாம். இது உரமாக செயல்படும்.கறிவேப்பிலை செடிகளுக்கு குறிப்பிட்ட நேரத்தில் சரியாக தண்ணீர் ஊற்ற வேண்டும் என்பதை நினைவில் கொள்ளுங்கள். பனி காலங்களில் அதன் இலைகளில் புள்ளி நோய்கள் ஏற்படும் வாய்ப்புகள் அதிகம். அதனால் அந்த செடிகளின் இலைகள் மீது வேப்பெண்ணெய்யை தெளித்து விடுங்கள். கறிவேப்பிலை செடிகளில் கொடி புழுக்கள் தாக்கும் அபாயம் அதிகம். ஒரு கிளாஸ் புளித்த மோர் எடுத்து அதில் 10 கிளாஸ் தண்ணீர் ஊற்றி செடியின் மீது தெளித்து விடுங்கள். இது செடியின் வளர்ச்சியையும் ஊக்குவிக்கும். கறிவேப்பிலை இலைகள் சரும பராமரிப்பு மற்றும் தலைமுடி பராமரிப்பிலும் முக்கிய பங்கினை வகிக்கிறது. கடையில் இருந்து வாங்கி வரும் கறிவேப்பிலைகளில் ஏகப்பட்ட ரசாயனங்கள் கலக்கப்படுவதால் அது நமது உடல் ஆரோக்கியத்திற்கு பக்க விளைவுகளை ஏற்படுத்தக்கூடும். அதனால் வெளியில் வாங்கி வந்த இலைகளை உப்பு மற்றும் மஞ்சள் தூள் கலந்த தண்ணீர் கொண்டு சுத்தமாக கழுவி பயன்படுத்துங்கள்.
பச்சை மிளகாயின் விலை அடிக்கடி உயர்ந்து மக்களை கவலைக்குள்ளாக்குகிறது. பச்சை மிளகாய் பயன்பாடு என்பது சமையலில் தவிர்க்க இயலாத ஒன்றாக இருந்து வருகிறது. இந்தப் பச்சைமிளகாயை எளிமையான முறையில் வீட்டிலேயே வளர்க்கலாம்.இதற்கு முதலில் நிழலோடுகூடிய வெயில் படும் இடத்தைத் தேர்வு செய்ய வேண்டும். பின்னர், 3 முதல் 4 அங்குல ஆழத் தொட்டியைத் தேர்ந்தெடுக்க வேண்டும். அந்தத் தொட்டியில் நீர் ஊற்றினால் வழிந்தோடக்கூடிய வகையில் துளை உள்ளதா என்பதை சரிபார்த்துக்கொள்ள வேண்டும். தேவையான இயற்கை உரத்தை இட்டு, மண்ணை நிரப்பி, தரமான மிளகாய் விதைகளை எடுத்து தொட்டியில் 1 அங்குல ஆழத்தில் நட வேண்டும். 5 முதல் 6 மணி நேரம் சூரிய ஒளி படும் இடத்தில் தினமும் அந்தத் தொட்டியை வைக்கவும். தொடர்ச்சியாக செடி வளர்கிறதா எனக் கவனித்து வர வேண்டும். அதோடு செடி ஈரப்பதத்தைப் பொறுத்து தண்ணீர் ஊற்றி வர வேண்டும். மிளகாய் செடி விதைத்ததிலிருந்து 50 முதல் 60 நாள்களுக்குள் மிளகாயை அறுவடை செய்யலாம்.
