சருமத்தை ஜொலிக்க செய்யும் வெள்ளரிக்காய் டோனர்
சருமத்தை ஆரோக்கியமாக வைத்திருக்க டோனர் பயன்படுத்த வேண்டும். வெள்ளரிக்காய் உதவியுடன் வீட்டிலேயே எளிதாக டோனர் தயாரிக்கலாம்.
வெள்ளரிக்காய் டோனர் தயார் செய்வது :-முதலில் வெள்ளரிக்காயின் தோலை நீக்கி அதை சிறு சிறு துண்டுகளாக நறுக்கி எடுத்து கொள்ளவும்.பின்பு வெள்ளரிக்காய் துண்டுகளுடன் சிறிதளவு தண்ணீர் சேர்த்து அடுப்பில் குறைந்த தீயில் வைத்து 5-7 நிமிடங்கள் கொதிக்க வைக்கவும்.
இந்த கலவையை ஆற வைத்து மிக்ஸியில் மைய அரைத்து எடுத்து கொள்ளவும்.
பின்பு இதை வடிக்கட்டி சாறை மட்டும் தனியாக எடுக்கவும். இந்த சாறை பாட்டிலில் ஊற்றி வைத்து டோனராக பயன்படுத்தலாம்.
தேவைப்பட்டால் இதில் ரோஸ் வாட்டர் மற்றும் விட்ச் ஹசல் சாறையும் சேர்த்து பயன்படுத்தலாம். முகத்திற்கு பல நன்மைகளை வழங்கும் வெள்ளரிக்காய் டோனர் தயார்.
எப்படி பயன்படுத்துவது- முதலில் முகத்தை நன்றாக சுத்தம் செய்யவும். இப்போது வெள்ளரிக்காயில் செய்யப்பட்ட இந்த டோனரை முகத்தில் தடவவும். இதை பயன்படுத்தினால் சருமம் ஈரப்பதத்துடன் இருக்கும்.
குறிப்பு: வெள்ளரிக்காயில் செய்யப்பட்ட இந்த டோனரை 2-3 நாட்களுக்கு மேல் பயன்படுத்த கூடாது.
0
Leave a Reply